Žudasnaje DTZ u litoŭskaj Ucienie — honačny aŭtamabil urezaŭsia ŭ natoŭp ludziej, paciarpieli 14 čałaviek, adzin zahinuŭ
Viečaram u piatnicu padčas mierapryjemstva Samsonas Rally Utena aŭtamabil urezaŭsia ŭ natoŭp hledačoŭ.
Vidavočcy skazali Delfi, što adzin čałaviek zahinuŭ, jašče niekalkich reanimujuć. Fakt śmierci adnaho hledača paćvierdziła palicyja. Vyśvietliłasia, što paciarpieli 14 čałaviek. Na miescy zdareńnia pracavali daktary i palicyja.
DTZ adbyłosia na stromkim pavarocie. Rułony ź sienam, na jakich była strełka pavarotu, źnieśli inšyja aŭtamabili, a ekipaž z Łatvii, nie viedajučy, što tam pavarot, urezaŭsia ŭ natoŭp ludziej.
Krychu paźniej pradstaŭniki Samsonas Rally Utena dali bolš infarmacyi.
«U 21:47 na čaćviortym etapie ekipaž pa nieprahnazujemych pryčynach vyjechaŭ z trasy, u vyniku paciarpieli 9 čałaviek. Na žal, adzin ź ich ad atrymanych traŭmaŭ pamior na miescy. Astatnim była akazana miedycynskaja dapamoha».
«Spabornictvy spynienyja, paśla takoj trahiedyi było b biesčałaviečna ich praciahvać. Pakul idzie rasśledavańnie, niezrazumieła, pa čyjoj vinie heta adbyłosia. Nakolki viadoma, 6 čałaviek atrymali vielmi surjoznyja traŭmy, u liku paciarpiełych, zdajecca, jość i vałancior, a taksama achoŭnik. Dakładnyja źviestki nam pakul niedastupnyja», — skazaŭ prezident kłuba Arvidas Pietkiavičus, jaki arhanizavaŭ rali, i vykazaŭ ščyryja spačuvańni blizkim zahinułaha.
Pavodle nieaficyjnych źviestak, zahinuŭ žychar Zarasaja. Šaściora ludziej, jakija atrymali surjoznyja traŭmy, byli dastaŭleny ŭ Vilenskuju balnicu.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ5
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary