Razam z tym nivodnaja jeŭrapiejskaja kraina aficyjna nie pryznała Hansalesa prezidentam.
Jeŭrapiejski parłamient pryznaŭ apazicyjaniera Edmunda Hansalesa zakonnym prezidentam Vieniesueły. Za rezalucyju, pryniatuju ŭ čaćvier, prahałasavali 309 deputataŭ, suprać — 201, i 12 parłamientaryjaŭ ustrymalisia ad hałasavańnia, piša Radyjo Svaboda.
Pavodle aficyjnych źviestak, na vybarach 28 lipienia pieramoh dziejny kiraŭnik dziaržavy Nikałas Madura, jaki apiaredziŭ Hansalesa amal na 8 adsotkavych punktaŭ. Adnak apazicyja apublikavała svaje padliki, zhodna ź jakimi Hansales adnaznačna vyjhraŭ, atrymaŭšy 67% hałasoŭ.
Niahledziačy na heta, u pačatku vieraśnia Hansales pakinuŭ Vieniesuełu — Ispanija dała jamu palityčny prytułak u suviazi z orderam na aryšt apazicyjaniera, jaki vydali vieniesuelskija ŭłady.
Razam z tym nivodnaja jeŭrapiejskaja kraina aficyjna nie pryznała Hansalesa prezidentam. Ale i abviaščeńnie pra pieramohu Madury jeŭrapiejskija dypłamaty nazyvali «nie vartym davieru».
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy18
Kamientary