Stała viadoma, jak budzie vyhladać były aŭtavakzał «Uschodni» ŭ Minsku. Tam budzie i łabaratoryja dronaŭ FOTY
Na miescy aŭtavakzała zbudujuć centr techničnaj tvorčaści dla dziaciej i moładzi.
Na miescy aŭtavakzała zbudujuć adukacyjnuju placoŭku ŭ halinie technałohij, inžynieryi i matematyki, jakaja maje stymulavać dziaciej i moładź da vynachodnictva i navukovaj dziejnaści.
U centry płanujecca raźmiaścić navučalnyja łabaratoryi pa avija– i rakietamadelavańni, aŭta– i motamadelavańni, robatatechnicy, radyjoelektronicy i miechatronicy, 3D-madelavańni, radyjokiravanych aŭtamabilach, sudnamadelavańni, bieśpiłotnikach, trasavym madeliźmie, architektury i dyzajnie, a taksama IT dla dziaciej, paviedamlaje «Minskbud».
Dla praviadzieńnia vyprabavańniaŭ madelaŭ buduć pabudavanyja trasy, śpiecyjalnyja placoŭki i mabilny karkasny basiejn.
Rekanstrukcyja budynka aŭtavakzała ŭžo pačałasia. Apornyja kanstrukcyi budynka zachavajuć. Dzie nieabchodna, zrobiać umacavańnie, praviaduć ciepłavuju reabilitacyju źniešnich ścien i pierapłanavańnie ŭnutranaj prastory. Taksama zamieniać dach, vitražy, vokny, padłohu i stol.
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii5
Kamientary