Probašč parafii ŭ Vałožynie čakaje suda pa abvinavačvańni ŭ «zdradzie dziaržavie». Śledstva pa jaho spravie zavieršana, i čakajecca, što sud budzie pryznačany na kaniec vieraśnia ci pačatak kastryčnika.
Śviatar znachodzicca ŭ SIZA KDB u Minsku ź listapada 2023 hoda, pra jaho spravu aficyjna ničoha nie paviedamlajecca. Sud projdzie ŭ zakrytym režymie, tamu toje, u čym kankretna abvinavačvajuć probašča, nie stanie viadoma i padčas suda. Ksiondz Hienrych nie pryznaje siabie vinavatym, maje kiepski stan zdaroŭja.
Kala miesiaca tamu Apostalski nuncyj arcybiskup Ante Jozič, jaki ŭžo zaviaršyŭ svaju misiju ŭ Biełarusi, sustrakaŭsia z Alaksandram Łukašenkam. Pavodle aficyjnaha paviedamleńnia, «padčas sustrečy byli zakranuty taksama pytańni, jakija chvalujuć katalickuju supolnaść u Biełarusi, Łukašenka paabiacaŭ ich razhledzieć i paspryjać ich chutčejšamu vyrašeńniu».
Vierniki, dobra znajomyja ź situacyjaj ksiandza Hienrycha Akałatoviča, adznačajuć, što čakali pa vynikach hetaj sustrečy vyzvaleńnia śviatara, piša katolik.life.
Vierniki ličać, što vałožynskaha probašča mohuć vyzvalić paśla suda praz praceduru pamiłavańnia — dziela taho, kab «chvory čałaviek nie pamior u turmie, kab nie było šumu»:
«Chacia, jakoje moža być «pamiłavańnie», kali ksiondz Hienrych nie pryznaje siabie vinavatym? Ale ŭ ciapierašniaj situacyi samaje hałoŭnaje — vyjści adtul lubymi mietadami, a potym čas usio rasstavić na svaje miescy. Usio ŭ rukach tolki adnaho Boha — tamu treba nie pakidać malitvu».
Ciapier čytajuć
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1111
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch11
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
Kamientary