Z 10 listapada biełarusy buduć zajazdžać u Jeŭrasajuz pa novych praviłach. Što źmienicca?
Praz dva miesiacy Jeŭrasajuz płanuje zapuścić aŭtamatyčnuju sistemu rehistracyi ŭjezdu i vyjezdu na źniešnich miežach Šenhienskaj zony. Adno z hałoŭnych novaŭviadzieńniaŭ — sistema Entry Exit System (EES). Paśla taho, jak jana zapracuje, štampy ŭ pašparty stavicca bolš nie buduć.
Novaja sistema kantrolu ŭjezdu/vyjezdu (EES) pavinna pačać pracu na ŭsich źniešnich miežach ES z 10 listapada 2024 hoda. Jaje ŭkaranieńnie ŭžo niekalki razoŭ adkładałasia. Ab stvareńni EES damovilisia jašče naprykancy 2017 hoda. Pieršapačatkova płanavałasia zapuścić jaje ŭ mai 2022 hoda, zatym termin pieranosili na maj 2023-ha i kaniec 2023 hoda.
Jak heta pracuje?
Entry Exit System ujaŭlaje saboj aŭtamatyzavanuju sistemu rehistracyi hramadzian dziaržaŭ, jakija nie ŭvachodziać u Jeŭrasajuz i prybyvajuć z karotkaterminovymi vizitami.
Sistema pryznačana dla zamieny tradycyjnaj štampoŭki pašpartoŭ.
Pry kožnym pierasiačeńni źniešniaj miažy Šenhienskaj zony padarožniku treba budzie skanavać pašpart u śpiecyjalnym elektronnym terminale samaabsłuhoŭvańnia. Aproč pašparta, terminał budzie skanavać tvar čałavieka i adbitki palcaŭ.
Sistema budzie rehistravać datu i miesca ŭjezdu/vyjezdu, proźvišča, imia vandroŭnika i jaho bijamietryčnyja danyja. Danyja ŭ sistemie buduć zachoŭvacca na praciahu troch hadoŭ ad daty apošniaj pajezdki.
Novyja praviły nie buduć raspaŭsiudžvacca na ŭładalnikaŭ DNŽ u adnoj z krain Jeŭrasajuza, a taksama trymalnikaŭ doŭhaterminovych viz (typ D).
Dzie budzie dziejničać novaja sistema?
EES budzie dziejničać va ŭsich krainach ES, akramia Kipra i Irłandyi. Taksama sistema budzie pracavać i ŭ čatyroch krainach, jakija nie źjaŭlajucca ŭdzielnikami Jeŭrasajuza, ale ŭvachodziać u Šenhienskuju zonu: Isłandyja, Lichtenštejn, Narviehija i Šviejcaryja.
Novyja praviły ŭvodziacca z metaj uzmacnić biaśpieku na miežach. Taksama sistema aŭtamatyčna budzie vyjaŭlać tych, chto prabyŭ u Šenhienie daŭžej 90 abo 180 dzion (raniej heta davodziłasia rabić pahraničnikam).
-
U Bierazinie pračnulisia pčoły. Dziaŭčynka, jakaja ich pabačyła, skaryła tyktok
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary