Tramp pra słovy Pucina pra Charys: Nie viedaju, abraziŭ jon mianie ci akazaŭ mnie pasłuhu
Kandydat u prezidenty ZŠA prakamientavaŭ vykazvańnie Pucina, jaki zajaviŭ, što jamu padabajecca śmiech Kamały Charys.
Donald Tramp na pieradvybarnym mitynhu acaniŭ vykazvańnie Uładzimira Pucina pra Kamału Charys.
Pucin napiaredadni zajaviŭ, što padtrymlivaje ŭ prezidenckaj honcy ŭ ZŠA Charys, bo jana zaraźliva śmiajecca.
«Nie viedaju, abraziŭsia ja, ci jon akazaŭ mnie pasłuhu», — zajaviŭ Tramp.
Prakamientavali vykazvańnie Pucina i ŭ Biełym domie. Śpikier pa nacbiaśpiecy Džon Kirbi zajaviŭ, što byŭ by ŭdziačny, kali b Pucin pierastaŭ kazać pra vybary ŭ ZŠA i ŭmiešvacca ŭ palityčnuju situacyju ŭ krainie, paviedamlaje Newsweek.
Krychu raniej na siesii pytańniaŭ i adkazaŭ u ekanamičnaj palitycy Tramp zajaviŭ, što nie źjaŭlajecca prychilnikam žorstkich sankcyj suprać Rasiei, piša USA Today.
Pa jahonych słovach, sankcyi treba ŭžyvać «vielmi razumna», bo jany mohuć padarvać dalar ZŠA.
Jon dadaŭ, što pasprabuje damovicca ab urehulavańni pamiž Rasiejaj i Ukrainaj. «Ja chaču jak maha radziej źviartacca da sankcyj», — zajaviŭ Tramp.
Vybary prezidenta ZŠA projduć 5 listapada. Za miesca ŭ Avalnym kabiniecie pazmahajucca vice-prezident Kamała Charys i były prezident krainy Donald Tramp.
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami10
Kamientary