Rasijskija vajskoŭcy abrabavali jašče adzin mahazin. Post ab hetym vyklikaŭ burnuju dyskusiju
«Prosta ŭziać mała. Dyk jašče i ŭsio pabić».
U sacyjalnych sietkach rehularna źjaŭlajucca śviedčańni maradziorstva rasijskich vajskoŭcaŭ u Kurskaj vobłaści. U siaredzinie žniŭnia było raspaŭsiudžana videa ab rabavańni sałonu sotavaj suviazi ŭ pasiołku Hłuškova Kurskaj vobłaści. A ciapier u adnym z pablikaŭ u telehramie źjavilisia zdymki razrabavanaha mahazina «Śvietofor» u tym ža pasiołku.
«Ja razumieju, jeści chacieli, ja razumieju, uziać što treba, ale prosta ŭziać. Mała taho, što vynieści paletami, dyk jašče i ŭsio pabić», — aburajecca aŭtar.
U kamientarach pasprabavali ŭsiu vinu pierakłaści na ŭkrainskich bajcoŭ — adnak ža rajcentr Hłuškova zastajecca pad kantrolem rasijskich vojsk, ad jaho da linii frontu kala 15 km.
«Heta našy sałdaciki maradziorstvujuć pa-cichamu, u pasiołku ŭsie mahaziny tak vyhladajuć», — śćviardžaje inšy kamientatar i dadaje bolš padrabiaznaściej: «Sałdaty ŭskryvajuć damy, žyvuć u ich, pavodziać siabie jak žyvioły, a kali pryjazdžajuć haspadary i pačynajuć niešta havaryć, to chapajucca za kałašy i prahaniajuć sa słovami «źjazdžaj, pakul tut nie zastaŭsia».
Niekatoryja z kamientataraŭ pasprabavali abaranić sałdat i patłumačyć usio režymam kontrterarystyčnaj apieracyi.
«U taki składany čas vy jašče prymudrajeciesia nakalać abstanoŭku siarod nasielnictva i kidać abureńnie ŭ bok našych sałdat», — čytajem u adnym z zapisaŭ.
Aŭtaru pasprabavali patłumačyć, što žychary pamiežža sałdatam «dapamahali čym mahli. Hatavali, brali na pastoj, myli adzieńnie i hetak dalej, a ciapier ludzi stanoviacca bamžami. Nichto nie suprać, kab sałdaty žyli ŭ ich damach. Ale vynosić i spustašać navošta?»
Rasijskija vajskoŭcy trapili na videa padčas rabavańnia sałona suviazi ŭ Kurskaj vobłaści
Rasijskija sałdaty abrabavali skład Wildberries u Kurskaj vobłaści — videa
«Prymušali savakuplacca i spraŭlali na ich małuju patrebu». Jak pasłanyja na śmierć rasijskija sałdaty ździekujucca sa svaich ža tavaryšaŭ pa słužbie
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma8
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary