U vydaviectvie «Technałohija» vyjšła kniha «Bahdanovičy: historyja adnaho rodu». Vydańnie źmiaščaje archiŭnyja źviestki pra pakaleńni Bahdanovičaŭ ad pačatku XVIII stahodździa, uspaminy ludziej z hetaha rodu i jaho adhalinavańniaŭ, a taksama bahaty ilustracyjny materyjał, piša «Budźma».
Praca nad knihaj išła 3 hady. Rod Bahdanovičaŭ — vialiki i razhalinavany. Jon biare pačatak u Biełarusi, na Ašmianščynie, i praź Litvu, Estoniju, Polšču siahaje ažno da Kazachstana. U knizie čytač znojdzie infarmacyju pra 11 pakaleńniaŭ historyi rodu Bahdanovičaŭ.
«Amal 300 staronak, blizu 500 zdymkaŭ i ilustracyj, bolš za 15 000 archiŭnych dakumientaŭ u adnoj knizie!», — adznačaje vydaviectva na svajoj staroncy ŭ fejsbuku.
Vydańnie budzie karysnaje i cikavaje nie tolki dla radni. Jano moža stać prykładam dla inšych siemjaŭ, što zachočuć spaznać svaje karani, historyju rodu i małoj radzimy.
Ciapier čytajuć
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie6
Kamientary