«Spoŭnili maru». U siecivie zavirusiłasia videa, jak błohiery nibyta hulajuć u prystaŭku na vialikim ekranie HC «Halereja»
Rolik sabraŭ bolš za miljon prahladaŭ. Kamientatary ŭ asnoŭnym nie vierać u praŭdzivaść videa.
Rolik pra toje, jak biełaruskija błohiery hulajuć u prystaŭku na vialikim ekranie HC «Halereja» ŭ Minsku, zavirusiŭsia ŭ tyktoku.
Na videa, jakoje vyjšła na kanale bulbanews, chłopcy byccam by padklučajuć da vializnaha rekłamnaha ekrana hulniu PlayStation 5, uładkoŭvajucca na miakkich kresłach na tratuary i hulajuć u futbolny simulatar. Prystaŭka nibyta pracuje ad hienieratara.
Ispołnili davniuju miečtu, poihrali v PS na ekranie haleriei
Rolik sabraŭ užo bolš za 1,2 młn prahladaŭ. Adnyja kamientatary pišuć pra mantaž, inšyja źviartajuć uvahu na niekatoryja niestykoŭki. Naprykład, u pačatku videa błohier ustaŭlaje ŭ prystaŭku dysk hulni, jakaja vyjšła na PS 5. Adnak na ekranie demanstrujecca vielmi staraja viersija simulatara — FIFA 13, jakaja nie vychodziła na prystaŭcy apošniaha pakaleńnia. Da taho ž, na hulniu pastavili mod, jaki dadaje zbornuju Biełarusi — u aryhinalnaj hulni kamandy nie było.
Taksama hledačoŭ naściarožvaje, što na videa minaki nie źviartajuć uvahi na nie zusim zvyčajnaje videa na rekłamnym ekranie.
Jość viersija, što błohiery kupili efirny čas — 30 siekund kaštujuć kala 90 dalaraŭ — i zahruzili papiarednie zapisanaje videa hulni. Pry hetym rolik nieabchodna ŭzhadniać u administracyi HC i Minharvykankamie.
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny42
Kamientary