«Usio žyćcio rabili heta niapravilna». Biełarusy padzialilisia ŭ tyktoku dziŭnym sposabam pierachodu praz darohu
Žycharka Babrujska i aktyŭny karystalnik tyktoka padzialiłasia niezvyčajnym sposabam pierachodu praz darohu, zaŭvažyŭ Telegraf.news. Dziaŭčyna źniała rolik, na jakim źviarnuła ŭvahu piešachodaŭ na darožny znak, znajomy ŭsim ź dziacinstva. Što budzie, kali ŭspryniać karcinku litaralna i pasprabavać pierajści na druhi bok tak, jak namalavana na znaku?
Na karotkim 11-siekundnym videa aŭtarka śpiarša pakazała minaku na darožny znak «Piešachodny pierachod», nibyta namiakajučy, jak mienavita treba heta rabić, paśla čaho razam ź inšymi… paskakała prystaŭnym krokam, sprabujučy pierajmać čałaviečka z šyroka rasstaŭlenymi nahami i rukami.
Vidavočna, što videa nosić humarystyčny charaktar i, miarkujučy z kamientaroŭ, padpisčyki tyktoka taki łajfchak acanili.
«Dyk voś navošta byŭ patrebien prystaŭny krok u škole!» — napisała pad rolikam adna z karystalnic sacsietki.
Inšaja dadała: «Usio adno troški niapravilna. Tam jašče naha i ruka pavinny być asobna ad cieła».
«Piešachodny pieraskok», — prapanavaŭ novuju nazvu darožnamu znaku jašče chtości ź biełarusaŭ, i jaho adrazu dapoŭnili: «Hałoŭnaje — trapić pamiž pałosak».
Kamientary
https://ru.wikipedia.org/wiki/Abbey_Road