Amierykanski repier straciŭ prytomnaść i pamior na scenie prosta padčas vystupu
53-hadovy amierykanski repier Fatman Scoop pamior paśla taho, jak straciŭ prytomnaść na svaim kancercie ŭ piatnicu ŭ štacie Kanektykut (ZŠA), piša Bi-bi-si.
Mer horada Łaren Haret raskazała, što repiera dastavili ŭ miascovuju balnicu na chutkaj dapamozie, ale vyratavać muzykanta nie ŭdałosia.
Fatman Scoop (pa pašparcie Ajziek Fryman III) byŭ upłyvovaj fihuraj na ńju-jorkskaj chip-chop scenie 1990-ch hadoŭ.
Jon udzielničaŭ u stvareńni mnohich papularnych piesień, u tym liku hanaravanych premii «Hremi» Lose Control Mis Eliat i It's Like That Meraja Kery.
Skup taksama viadomy svaim chitom Be Faithful, vypuščanym u 1999 hodzie, ale chit atrymaŭ mižnarodny pośpiech u 2003-m, kali hetaja pieśnia ŭznačaliła čarty ŭ Irłandyi i Vialikabrytanii.
U 2004 hodzie repier źniaŭsia ŭ brytanskim telesieryjale Chancers na Channel 4, u jakim muzyki dapamahajuć pačatkoŭcam brytanskim vykanaŭcam, jakija marać damahčysia pośpiechu ŭ ZŠA.
7 vieraśnia Fatman Scoop pavinien byŭ vystupić u Brytanii na fiestyvali Reminisce.
-
Mikita Najdzionaŭ zapuściŭ novy prajekt dla aŭdytoryi 30+
-
«Dahetul škaduju, što nie stała lekaram». Pahutaryli sa Śviatłanaj Bień pra novy albom, žyćcio ŭ Bierlinie, «čornyja śpisy» i spraviadlivaść
-
Viadomy rasijski repier nijak nie moža vystupić u Minsku — to z zakonami nie ščaścić, to sa zdaroŭjem
Kamientary