Śviet

Pamior samy stary čałaviek na płaniecie

Maryja Brańjas Marera, jakaja źjaŭlałasia z 2022 hoda najstarejšym žyvym čałaviekam na Ziamli, pamierła va ŭzroście 117 hadoŭ, pra heta paviedamiła jaje siamja na staroncy ŭ sacsietcy X.

Wikimedia Commons

Maryja Brańjas Marera naradziłasia ŭ San-Francyska 4 sakavika 1907 hoda, jana była dačkoj žurnalista z Pampłony i maci-katałonki. U dziacinstvie jana pierajechała ź siamjoj u Novy Arlean, dzie jaje baćka zasnavaŭ časopis Mercurio i paśpiachova vydavaŭ jaho dla ispanamoŭnych amierykancaŭ.

U 1915 hodzie siamja pryniała rašeńnie viarnucca ŭ Ispaniju, adnak baćka pamior ad suchotaŭ prosta na karabli. Hulajučy sa svaimi bratami, Brańjas zvaliłasia ź vierchniaj pałuby na nižniuju, straciŭšy słych na adno vucha.

Maci z dačkoj pasialiłasia ŭ Katałonii, dzie Maryja ŭ 1931 hodzie vyjšła zamuž za doktara Žaana Mareta. Padčas Hramadzianskaj vajny ŭ Ispanii jana pracavała pobač ź im u jakaści miedsiastry ŭ palavym špitali ŭ Truchiljo.

U ich było troje dziaciej, adzinaccać unukaŭ i trynaccać praŭnukaŭ. U 1990-ja hady Maryja Brańjas padarožničała pa Jehipcie, Italii, Niderłandach i Anhlii, zajmałasia šyćciom, muzykaj i čytańniem. Z 2000 hoda žyła ŭ domie sastarełych u Ołacie.

U 2019 hodzie Maryja adkazała na pytańnie ab tym, jak jana ŭsprymaje techničnyja, sacyjalnyja i hramadskija źmieny za doŭhija hady svajho žyćcia: adbylisia tatalnyja źmieny, u tym liku i prahresiŭnyja. Usio prajšło doŭhi šlach, asabliva toje, jak ludzi majuć kantaktavać dzin z adnym. Ciapier heta lohka, a raniej było ciažka».

U krasaviku 2020 hoda ŭ doŭhažycharki vyjavili lohkuju formu kavidu: u jaje raźviłasia infiekcyja močavyvodnych šlachoŭ, i jana adčuła niedamahańnie, ale nie vyjaŭlała zvyčajnych simptomaŭ, takich jak lichamanka i dychavica. Jana była źmieščana ŭ karancin u svaim pakoi i pieraadoleła chvarobu biez špitalizacyi.

Kamientary

Ciapier čytajuć

Litva adkryła punkty propusku na miažy ź Biełaruśsiu

Litva adkryła punkty propusku na miažy ź Biełaruśsiu

Usie naviny →
Usie naviny

Pad novyja sankcyi ES trapili biełaruskija banki. Što źmienicca na praktycy?24

U KNDR uzvodziać miemaryjał u honar sałdat, što zahinuli za Rasiju9

Tramp: ZŠA rychtujucca pačać suchaputnuju vajennuju apieracyju ŭ Vieniesuele22

Trom žančynam dali kałoniju i vielizarnyja štrafy za dvarovy čat. Siarod ich 62‑hadovaja zavuč10

Žančyna z Ryhi raskazała, jak jeździła ŭ Biełaruś rabić zuby14

Biełaruski hulec uvachodzić u top-5 samych ciažkich chakieistaŭ Nacyjanalnaj chakiejnaj lihi5

Bielhija zabłakavała nadańnie Ukrainie €140 miljardaŭ reparacyjnaha kredytu za košt aktyvaŭ RF7

Pad Maskvoj dron zalacieŭ u kvateru 6

Tramp zajaviŭ pra nieadkładnaje spynieńnie pieramovaŭ ab handli z Kanadaj z-za rekłamnaha rolika z Rejhanam8

bolš čytanych navin
bolš łajkanych navin

Litva adkryła punkty propusku na miažy ź Biełaruśsiu

Litva adkryła punkty propusku na miažy ź Biełaruśsiu

Hałoŭnaje
Usie naviny →

Zaŭvaha:

 

 

 

 

Zakryć Paviedamić