Deputat niamieckaj ultrapravaj partyi niekalki razoŭ tajemna sustrakaŭsia z pradstaŭnikami režymu Łukašenki
Jak paviedamlaje vydańnie Welt, havorka idzie pra deputata parłamienta Saksonii ad pravaradykalnaj «Alternatyvy dla Hiermanii» («AdH») Jorha Dornaŭ. U jaho niadaŭna vykryli sakretny biznes u Biełarusi.
Pavodle vydańnia Welt, deputatu prysudzili štraf pamieram 20 822 jeŭra (kala 75 tysiač biełaruskich rubloŭ) za ŭtojvańnie biznesu ŭ Biełarusi.
Z 2020 hoda palityk zarehistravany jak uładalnik sielskahaspadarčaha biznesu ŭ Biełarusi. Jaho pradpryjemstva možna znajści ŭ Adzinym dziaržaŭnym rejestry Biełarusi pad nazvaj TAA «Cybulka Bieł», jakoje apracoŭvaje niekalki sotniaŭ hiektaraŭ u Lidskim rajonie Hrodzienskaj vobłaści. «Cybulka Bieł», akramia harodniny, vyroščvaje taksama bachčavyja kultury i karniapłody.
Vieści taki biznes deputatam pa zakonach Hiermanii nie zabaroniena, adnak Dornaŭ nie ŭkazaŭ svajo pradpryjemstva ŭ dekłaracyi, jakuju padavaŭ administracyi ziamielnaha parłamienta Saksonii.
Akramia taho, Jorh Dornaŭ niekalki razoŭ tajemna sustrakaŭsia z pradstaŭnikami režymu Łukašenki i paśla nikomu pra heta nie paviedamlaŭ, daviedałasia Welt.
Kamientujučy hetyja tajemnyja sustrečy palityka i jahony biznes u Biełarusi, staršynia frakcyi «Levaja partyja» ŭ Saksonii Ryka Hiebchardt skazaŭ nastupnaje: «Nichto nie moža prosta tak pajechać u dyktatarskuju Biełaruś i zasnavać tam sielskahaspadarčy biznes, asabliva nichto z Hiermanii, bo heta maje na ŭvazie palityčnuju blizkaść da dyktatury tam».
Pavodziny Jorha Dornaŭ vyklikajuć padazreńni ŭ tym, što jon absłuhoŭvaje intaresy režymu Łukašenki ŭ Hiermanii ŭ abmien na materyjalnyja ŭznaharody i łajalnaje staŭleńnie da jaho biznesu ŭ Biełarusi, dadaje Welt.
Vydańnie adznačaje, što dla niamieckaha palityka hetyja padazreńni mohuć pieratvarycca ŭ vialikija kryminalnyja terminy.
«Ryka Kryhier byŭ upeŭnieny, što kali nie pryviaduć Krasikava, abmien sarviecca»
Kapitan Bundeśviera dobraachvotna špijoniŭ na Rasiju, «kab zahadzia atrymać ad jaje papiaredžańnie ab naniasieńni jadziernaha ŭdaru»
«Kali b Zachad zatrymlivaŭ łukašenkaŭskich ahientaŭ, moh by być abmienny fond». Viačorka — pra palitviaźniaŭ, kadravuju ciakučku ŭ Kabiniecie, situacyju na miažy i vizy
Kamientary
Darečy, pra Klaus von Dohnanyi, prarasiejskaha sacyjał-demakratyčnaha ŭpłyvovaha palityka biełarusy taksama tut nie daviedajucca.