U minus pajšli asnoŭnyja biržavyja indeksy, adnak takoha bujnoha padzieńnia, jak ranicaj u Japonii, nie zdaryłasia.
U pačatku tarhoŭ u ZŠA indeks Dow Jones upaŭ prykładna na 2,8%, S&P 500 — na 4,1%, Nasdaq — na 5,7%.
Pry hetym amierykanski fondavy rynak nie trapiŭ u pikie, u jakim apynuŭsia japonski: ranicaj indeks Nikkei abvaliŭsia bolš čym na 12% i pakazaŭ rekordnaje padzieńnie z «čornaha paniadziełka» 1987 hoda, nahadvaje Bild.
Rezkaje padzieńnie spravakavała niečakana piesimistyčnaja spravazdača pa rynku pracy ŭ ZŠA, jakaja vyjšła pierad vychodnymi. Jana ŭzmacniła aściarohi z nahody skaračeńnia vytvorčaści ŭ Złučanych Štatach i sprahnazavała značnaje zapavoleńnie tempaŭ rostu suśvietnaj ekanomiki.
Udzielniki rynka taksama ličać, što Fiederalnaja reziervovaja sistema ZŠA prapuściła zručny momant dla źnižeńnia pracentnych stavak i moža zrabić heta zanadta pozna. Tak zvany baromietr strachu Vix, jaki vyznačaje nastroi na Uoł-stryt, ciapier znachodzicca na samym vysokim uzroŭni z 2020 hoda, kali pačałasia epidemija karanavirusa.
U Jeŭropie ceny na akcyi 5 žniŭnia taksama pajšli ŭniz. Viadučy indeks Hiermanii — Dax — straciŭ kala troch pracentaŭ, samy viadomy indeks jeŭrazony EuroStoxx 50 panios anałahičnyja straty.
Ciapier čytajuć
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj2
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary