Vienhryju prapanavali na čas vyklučyć z Šenhienskaj zony z-za vydačy viz biełarusam
U Jeŭraparłamiencie prapanavali prypynić udzieł Vienhryi ŭ Šenhienskaj zonie paśla taho, jak Budapiešt vyrašyŭ asłabić vizavyja patrabavańni dla hramadzian Rasii i Biełarusi. List z takim patrabavańniem padpisała hrupa sa 70 jeŭradeputataŭ, piša Politico.
«My zaklikajem Jeŭrapiejskuju kamisiju pryniać terminovyja miery pa rasśledavańni rašeńnia Vienhryi, pakolki jano moža mieć ščylinu i patencyjna pastavić pad pahrozu ahulnaje funkcyjanavańnie Šenhienskaj zony i jaje rolu jak biaśpiečnaj prastory dla hramadzian», — havorycca ŭ dakumiencie.
Kali ŭrad Vienhryi admovicca źmianić svaju vizavuju palityku, to Jeŭrakamisija i ŭsie krainy ES «pavinny pastavić pad sumnieńnie vienhierskuju prysutnaść u Šenhienskaj zonie, uvioŭšy novyja miery pa abaronie jeŭrapiejskich hramadzian, u tym liku novy kantrol na vienhierskich miežach», adznačajecca ŭ liście.
U pačatku lipienia Vienhryja ŭklučyła rasijan i biełarusaŭ u prahramu «nacyjanalnaj karty», jakaja dazvalaje ŭładkavacca na pracu ŭ luboj halinie, pieravieźci siamju i praz try hady atrymać pastajanny dazvoł na žycharstva ŭ krainie.
Ciapier čytajuć
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
Jašče varta było b zadumacca nad adpaviednymi karami dla Niamieččyny, jakaja błakuje čarhovyja sankcyi adnosna Rasii i sabatuje pastaŭki zbroi dla Ukrainy.
U artykule: "viz dla hramadzian Rasii i Biełarusi", to bok rasiejcy asnoŭnyja, a biełarusaŭ, jak zvyčajna, iduć pryčepam i nie źjaŭlajucca asnoŭnaj pryčynaj. Prymusovaja intehracyja za kalučym drotam.