U dakumiencie pad nazvaj «Płatforma 2025», jaki padpisali ŭdzielniki kanfierencyi «Novaja Biełaruś», što prachodzić siońnia ŭ Vilni, vyznačajucca asnoŭnyja mety demakratyčnych sił na budučy hod.
Siarod paznačanych zadač — niepryznańnie suśvietnaj supolnaściu nastupnaha pieraabrańnia Łukašenki, praca pa vyzvaleńni palitviaźniaŭ, a taksama ŭzmacnieńnie pracy ź dziejnymi dziaržsłužačymi, jakija padtrymlivajuć demakratyčnuju budučyniu krainy.
Padpisanty «Płatformy 2025» zapatrabavali spynieńnia ŭsich vidaŭ represij, vyzvaleńnia palitviaźniaŭ, realizacyi prava ŭsich hramadzian Biełarusi na paŭnavartasny ŭdzieł u vybarach niezaležna ad miesca žycharstva, zabieśpiačeńnia svabody schodaŭ i roŭnaha dostupu da CMI, a taksama praviadzieńnia vybaraŭ u adpaviednaści ź mižnarodnymi standartami ABSIE i pad kantrolem naziralnikaŭ.
Taksama padkreślivajecca, što pradstaŭniki demsił buduć damahacca pryciahnieńnia da adkaznaści Łukašenki i jahonych paplečnikaŭ za złačynstvy suprać biełaruskaha naroda i mižnarodnyja złačynstvy.
Dekłarujecca, što demakratyčnyja siły Biełarusi majuć ahulnych vorahaŭ — režymy Łukašenki i Pucina. Tamu vykazvajecca hatoŭnaść abjadnoŭvacca ŭ baraćbie ź imi zamiest zmahańnia adzin z adnym. Treba sumiesna damahacca adkrytaści Jeŭropy i ŭsiaho demakratyčnaha śvietu dla biełarusaŭ, dabivacca taho, kab hramadzian Biełarusi i kiroŭny ŭ joj režym adroźnivali.
Da płatformy dałučylisia Ofis Śviatłany Cichanoŭskaj, Abjadnany pierachodny kabiniet, Kaardynacyjnaja rada ŭ cełym i asobna jaje frakcyi — «Kamanda Łatuški i Ruch «Za Svabodu!», «Vola», «Naša sprava», «Chopić bajacca!», «Jeŭrapiejski vybar», a taksama fond Bysol, Fond miedycynskaj salidarnaści, inicyjatyvy «Sumlennyja ludzi», «Narodnyja ambasady», Abjadnanaja hramadzianskaja partyja i Ruch «Za Svabodu».
«Płatforma 2025» adkrytaja dla dałučeńnia ŭsich biełaruskich demakratyčnych sił (palityčnych struktur, hramadskich arhanizacyj i inicyjatyŭ, dyjaspar, supołak i inš.), jakija padzialajuć jaje pałažeńni.
«Praca zrušyłasia ź miesca». Cichanoŭskaha zhadała pra pašpart Novaj Biełarusi
Biełarus pryjšoŭ na kanfierencyju Novaj Biełarusi ź jarkim manikiuram u padtrymku Kamały Charys FOTY
«Čamu nie spytaje ŭ siabie: kali ja jezdžu ŭ Hiermaniju i zabiraju ŭsie ŭznaharody, čamu nie vyjšaŭ na kantakt ź niemcami?» Da kaho źviarnuŭsia Łatuška?
Jahoraŭ prapanuje pryznać lehitymnaść Łukašenki, kali heta dazvolić vyzvalić palitviaźniaŭ
Łatuška: My vystupajem za toje, kab na vybarach hałasavać suprać usich
Cichanoŭskaja: My nie viedali pra abmien źniavolenymi i nie ŭdzielničali ŭ pracesie
U Vilni startavała kanfierencyja «Novaja Biełaruś»
Kamientary