Abvieščany zbor na repatryjacyju cieła pamierłaha aktyvista Dźmitryja Harelki
Dźmitryj Harelka pamior na rabočym miescy ŭ Varšavie.
Kamanda «Bajsoł» abviaściła zbor, kab pieravieźci na radzimu cieła Dźmitryja Harelki, jaki pamior u Varšavie. Paśla zaviaršeńnia ŭsich nieabchodnych pracedur, cieła Dźmitryja budzie dastaŭlena jahonym baćkam u Homieli.
Dźmitryj — aktyvist z Homiela, jaki prymaŭ udzieł u mirnych akcyjach pratestu ŭ 2020 hodzie. Jaho časta možna było bačyć u pieršych šerahach z nacyjanalnym ściaham. Mužčyna byŭ sudzimy pa administracyjnych artykułach i, bajučysia pieraśledu, źjechaŭ u Polšču. Apošnija miesiacy Dźmitryj pracavaŭ achoŭnikam u adnym z hipiermarkietaŭ.
25 lipienia 2024 hoda Dźmitryj pamior na pracoŭnym miescy. Jamu było 42 hady. Pavodle varšaŭskaj palicyi, śmierć była niehvałtoŭnaj. Pravodzicca ŭskryćcio, adnak papiaredniaja pryčyna śmierci — tromb.
Na žal, praces repatryjacyi źviazany ź vialikimi finansavymi vydatkami. Treba pakryć usie vydatki, u tym liku afarmleńnie dakumientaŭ, transparciroŭku cieła i arhanizacyju pachavańnia.
Zbor adkryvajecca pa prośbie aktyvista biełaruskaj dyjaspary ŭ Varšavie, Valeryja Ślapuchina. Nieabchodna sabrać 2000 jeŭra.
Padtrymać zbor
Ciapier čytajuć
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1313
Kamientary