Aŭstryjski Raiffeisen Bank surjozna naraściŭ prybytak u Biełarusi
Pry hetym bankaŭskaja hrupa praciahvaje pieramovy pa prodažy Pryjorbanka.
Čysty prybytak aŭstryjskaj finansavaj hrupy RBI ŭ pieršym paŭhodździ 2024 hoda skłaŭ 71 młn jeŭra. Jon pavialičyŭsia na 28,1% u paraŭnańni z anałahičnym pieryjadam minułaha hoda.
Pryčym bolšaja častka prybytku — 42 młn — prypała na druhi kvartał, zaŭvažyŭ Myfin.
Dla paraŭnańnia, u pieršym paŭhodździ prybytak daččynych padraździaleńniaŭ RBI ŭ Rasii pavysiŭsia ŭsiaho na 2,8% da 705 młn jeŭra.
Čysty pracentny dachod biznesu RBI ŭ Biełarusi za paŭhoda pavialičyŭsia na 14,7% da 54 młn jeŭra, a apieracyjny prybytak — na 15,2% da 136 młn jeŭra.
U spravazdačy kampanii havorycca, što RBI praciahvaje vieści pieramovy ab prodažy svajoj biełaruskaj «dački» Pryjorbanka. U lutym hrupa abviaściła pra toje, što abmiarkoŭvaje z kampanijaj Soven 1 Holding Limited z AAE prodaž doli ŭ banku ŭ pamiery 87,74%.
Ahulny kansalidavany prybytak hrupy RBI za pieršaje paŭhodździe pavialičyŭsia na 7,3% da 1,324 młrd jeŭra, a čysty prybytak — na 8,2% da 1,436 młrd jeŭra.
Ciapier čytajuć
Pryłuki pad Minskam na chvali chajpu — biełarusy masava pajechali tudy pa zdymki ŭ styli «Pryciemak». Miascovyja nie ŭ zachapleńni10
Pryłuki pad Minskam na chvali chajpu — biełarusy masava pajechali tudy pa zdymki ŭ styli «Pryciemak». Miascovyja nie ŭ zachapleńni
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ55
Kamientary