U sudzie Maładziečanskaha rajona 18 lipienia za «dyskredytacyju Respubliki Biełaruś» (art. 369-1 KK) u videa ŭ tyktoku asudzili Andreja Kudzika ź Vilejki. U vyniku mužčynu pryznačyli čatyry hady kałonii va ŭmovach strohaha režymu i 400 bazavych vieličyniaŭ štrafu, piša «Viasna» na padstavie śviedčańnia vychadca ź Vilejki Paŭła Chavanskaha.
Andrej Kudzik raniej užo adbyvaŭ termin za ŭdzieł u akcyjach pratestu, jaho asudzili ŭ pačatku 2022 hoda. U lutym 2022-ha hoda Andreju pryznačyli dva hady kałonii pavodle «narodnaha» art. 342 KK.
Na sudzie aktyvist nie pryznaŭ viny i admoviŭsia ad dačy pakazańniaŭ. 18 lipienia 2023 hodu palitviazień vyjšaŭ na volu, całkam adbyŭšy termin u kałonii № 15, ale praz paŭhoda znoŭ byŭ zatrymany.
U minułym kastryčniku jamu pryznačyli 15 sutak aryštu za vinšavańnie Ukrainy z Dniom Niezaležnaści ŭ tyktoku. 15 lutaha hetaha hoda aktyvista znoŭ aryštavali na 15 sutak. Ale na volu pa skančeńni termina jon nie vyjšaŭ — jaho zatrymali ŭ miežach kryminalnaj spravy.
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary
Jaki tady łunaŭ pieramožny voklič, ja dobra pamiataju.
Viadoma, heta nie klučavy vypadak, ale kalabaracyjami ź dziaržabaj razmaityja słučaki padhadoŭvali levijatana, rabili svoj ŭniosak.
I voś takoje ž vydumanaje złačynstva, jak ŭ taje prahramistki, biaz škody i paciarpiełych, i staŭki padraśli - čatery hady rabstva.
Hadujcie dziaržabu dalej, vy ž charošuju i ŭ najlepšych metach hadujecie, praŭda?