Jeŭrapiejski parłamient asudziŭ «nibyta mirnyja namahańni» Viktara Orbana
Jeŭrapiejskija parłamientaryi zajavili, što vizit Orbana ŭ Rasiju «aburalna parušaje damovy i ahulnuju zamiežnuju palityku ES». Za rezalucyju prahałasavali 495 deputataŭ z 705. U jaje tekście skazana, što Vienhryja pavinna panieści za hetyja dziejańni pakarańnie.
«Uličvajučy, što za tak zvanaj «miratvorčaj misijaj» premjer-ministra Vuhorščyny adrazu ž rušyŭ uśled napad na dziciačuju balnicu, u rezalucyi taksama havorycca, što heta pakazvaje «niedarečnaść» nibyta mirnych namahańniaŭ Orbana», — paviedamili ŭ pres-słužbie Jeŭraparłamienta.
Pierad hetym premjer-ministr Vienhryi Viktar Orban u ramkach svajoj «miratvorčaj misii» ŭ pačatku lipienia paśladoŭna sustreŭsia z Uładzimiram Zialenskim, Uładzimiram Pucinym, Si Czińpinam i Donaldam Trampam, a taksama naviedaŭ samit NATA ŭ Vašynhtonie.
Ułady Jeŭrasajuza raskrytykavali Orbana za sustreču z Pucinym u Kramli i, pavodle źviestak vydańnia Politico, navat prystrašyli «praktyčnymi nastupstvami», kali Orban praciahnie palityku, jakaja pravodzicca. Pradstaŭniki Jeŭrasajuza, u pryvatnaści, vyrašyli bajkatavać samit pa zamiežnych spravach u Vienhryi, jakaja z 1 lipienia na paŭhoda pryniała staršynstva ŭ ES.
Orban zaklikaŭ ES adnavić adnosiny z Rasijaj
Orban adpraviŭ usim lidaram krain ES svoj płan urehulavańnia va Ukrainie
Zialenski patłumačyŭ, čamu Orban nie moža być mirnym pasiarednikam
Orban: Situacyja vidavočnaja — Pucin i Rasija ŭvarvalisia va Ukrainu. Ale Rasiju niemahčyma pieramahčy
«Telefony prasłuchoŭvajucca surjoznymi chłopcami». Orban rychtavaŭsia da sustrečy z Pucinym tajemna — jak špijon
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary