Hramadstva3131

Ad siońnia Litva maje namier uvieści abmiežavańni na ŭjezd aŭto ź biełaruskimi numarami

Ale z vyklučeńniami — pra ich prasiła Śviatłana Cichanoŭskaja.

Ilustracyjny zdymak. Fota: BiełTA

Abnaŭleńnie ad 17 lipienia: Litva ŭvodzić abmiežavańni z 18 lipienia 2024 hoda. Vyklučeńni dla biełarusaŭ — ułaśnikaŭ aŭto buduć dziejničać tolki miesiac. Padrabiaźniej pra novyja praviły ŭjezdu pa spasyłcy.

Nahadajem, z 16 lipienia Łatvija zabaraniła ŭjezd zarehistravanym u Biełarusi lehkavym aŭtamabilam. Zabarona tyčyłasia prajezdu praź miažu ź Biełaruśsiu i Rasijaj.

Jašče raniej, z 9 lipienia, svaje abmiežavańni ŭviała Polšča. Prajechać u hetu krainu ciapier mohuć tolki ŭłaśniki aŭtamabilaŭ na biełaruskich numarach. Kali ŭłaśnika mašyny niama ŭ sałonie, to jaje nie puściać u Polšču.

Z 17 lipienia abmiežavańni dla ŭjezdu na aŭto na biełaruskich numarach źbirajecca ŭvieści i Litva.

Nakolki viadoma pa roznych krynicach, praviły buduć bližej da polskaha varyjantu, čym da łatvijskaha.

Takim čynam, chutčej za ŭsio, zajezd ź Biełarusi ŭ Litvu na aŭtamabili ź biełaruskimi numarami budzie dazvoleny tolki ŭ vypadkach, kali ŭ mašynie znachodzicca ŭłaśnik aŭto.

Novyja abmiežavańni źviazanyja z 8-m pakietam sankcyj Jeŭrasajuza (rašeńnie ad 29 červienia 2024 hoda) — jon u značnaj stupieni skarektavaŭ biełaruskija sankcyi z ahladkaj na rasijskija.

Ciapier zabaronieny impart tavaraŭ ź Biełarusi, jakija dazvalajuć Biełarusi dyviersifikavać svaje krynicy dachodu i ŭdzielničać u rasijskaj ahresii suprać Ukrainy, kali hetyja tavary pachodziać ź Biełarusi abo kali jany ekspartujucca ź Biełarusi. U śpis takich tavaraŭ uvachodziać i lehkavyja aŭtamabili.

Zabarona na ŭjezd nie raspaŭsiudžvajecca na transpartnyja srodki, pryznačanyja dla vykarystańnia ŭ ruchu dypłamatyčnych i konsulskich pradstaŭnictvaŭ.

***

Raniej siońnia Śviatłana Cichanoŭskaja zajaviła, što jaje kamanda znachodzicca na suviazi z Polščaj, Litvoj i Łatvijaj, davodziačy nieabchodnaść zrabić vyklučeńni dla biełarusaŭ, jakija ŭjazdžajuć u ES na svaich aŭtamabilach.

Rašeńnie ab abmiežavańni na ŭjezd biełaruskich aŭtamabilaŭ Cichanoŭskaja nazvała «paśpiešlivym i škodnym», jakoje «ŭ pieršuju čarhu bje pa ludziach, a nie pa režymie Łukašenki». I prosić adterminavać jaho. Hałoŭny arhumient Ofisa Cichanoŭskaj — zaklučeńnie Rady ES pa Biełarusi, dzie prapisana važnaść kantaktaŭ pamiž ludźmi, u pryvatnaści, šlacham padtrymki mabilnaści, moładzievych i kulturnych mierapryjemstvaŭ.

Pry hetym Cichanoŭskuju zapeŭnili, što abmiežavańniaŭ na ruch aŭtobusaŭ ź Biełarusi nie budzie.

Kamientary31

  • Chaim
    16.07.2024
    Tovar - eto to, čto priednaznačieno dla prodaži. Był li chotia by odin słučaj v Litvie ili v Łatvii, kohda v eti strany pieriehoniałsia avtomobil na nomierach RB s cielju prodaži? Prieždie vsieho v etom niet NIKAKOJ ekonomičieskoj vyhody. Iźvinitie, hospoda sosiedi, no Vy čto-to niesuraznoje vydumyvajetie.
  • Etot
    16.07.2024
    Niehodniki. RB podkidyvajet diešievuju rabočuju siłu k hranicie (vrači, inžieniery, učitiela arabskoho) a eti jevropiejcy tak otviečajut. Plujut v ruku dajuŝuju. Vot siehodnia v Polšie opiať skačok nielehałov, bojuś Tusk tožie tak otvietit.
  • Hańba
    16.07.2024
    Durdom. Heta miera, kaniešnie, padkosić režym.

Ciapier čytajuć

Što IT-biznes dumaje pra Hannu Rabavu, novuju kiraŭnicu Parka vysokich technałohij?5

Što IT-biznes dumaje pra Hannu Rabavu, novuju kiraŭnicu Parka vysokich technałohij?

Usie naviny →
Usie naviny

Ściapan Puciła: U čas pratestaŭ nas čatyry čałavieki ŭ redakcyi było. I dźvieście paviedamleńniaŭ na chvilinu17

«Jany ŭsie siabravali suprać mianie». U Minsku sudziać mužčynu za łžyvyja danosy na kankurentaŭ1

Apublikavany poŭny tekst mirnych prapanoŭ Ukrainy, jakija Kijeŭ pradstavić na pieramovach u Stambule7

Ukraina pieradała svoj miemarandum Rasii na ŭkrainskaj i anhlijskaj movach4

Jak vyhladaje samaja niedarahaja kvatera ŭ sercy Minska. Usiaho za 295 tysiač dalaraŭ1

Padarožnik z Kazachstana raskazaŭ, jak praryvaŭsia praź miažu Biełarusi i ES. Atrymałasia tolki z treciaj sproby7

Zahadkavaja 8-mietrovaja mietaličnaja skulptura źjaviłasia ŭ Vałožynie3

Prezidentam Polščy staŭ Naŭrocki — 51%35

Vybary ŭ Polščy: ekzit-poły z ulikam hałasoŭ za apošnija hadziny hałasavańnia vyvieli ŭ lidary Naŭrockaha5

bolš čytanych navin
bolš łajkanych navin

Što IT-biznes dumaje pra Hannu Rabavu, novuju kiraŭnicu Parka vysokich technałohij?5

Što IT-biznes dumaje pra Hannu Rabavu, novuju kiraŭnicu Parka vysokich technałohij?

Hałoŭnaje
Usie naviny →

Zaŭvaha:

 

 

 

 

Zakryć Paviedamić