Zialenski pra zajavu Budanava pra nastup Rasii z poŭnačy: Jaho nie tak zrazumieli
Prezident Ukrainy prakamientavaŭ zajavu kiraŭnika HUR Kiryła Budanava adnosna taho, što ŭ najbližejšyja miesiacy Rasija pasprabuje atakavać terytoryju Ukrainy z poŭnačy. Pra heta jon zajaviŭ padčas razmovy z žurnalistami 15 lipienia, piša «Ukrainskaja praŭda».
«Ja patelefanavaŭ paśla hetaj zajavy (adnosna nastupu RF) hienierału Budanavu. I jon skazaŭ, što troški nie tak jaho zrazumieli».
Zialenski rastłumačyŭ, što jon i vajennaje kiraŭnictva ličać, što na Charkaŭščynie zroblena surjoznaja praca, kab vyklučyć mahutnaje nastupleńnie RF z poŭnačy.
Ź jahonych słoŭ, USU spynili na hetym kirunku ściahnutyja z roznych učastkaŭ rasijskija vojski i heta «zrabiła niemahčymym ich mocnaje pierahrupavańnie, najaŭnaść mocnaj hrupoŭki ź inšaha boku». «Heta toje, što ja maju ad raźviedak roznych našaj dziaržavy», — adznačyŭ prezident.
13 lipienia kiraŭnik Hałoŭnaha ŭpraŭleńnia raźviedki Kirył Budanaŭ zajaviŭ, što najbližejšyja miesiacy Rasija, mahčyma, pasprabuje atakavać terytoryju Ukrainy z poŭnačy.
«Kali ja pačnu adkazvać na hetaje pytańnie (pra ataku RF z poŭnačy), my z vami jašče spravakujem paniku. Skažam tak: prablemy jość, jany majuć tendencyju da abvastreńnia», — skazaŭ jon, dadaŭšy, što «katastrofy niama, ale nie bačyć prablem nie atrymajecca».
Hety adkaz staŭsia paśla pytańnia žurnalista ab tym, ci paŭpłyvajuć płany Kramla mabilizavać 300 tysiač rasijanaŭ na nastup akupantaŭ na ŭschodzie i poŭnačy ŭ najbližejšyja miesiacy.
«Razumiejecie, heta takaja dla mianie trochi aniekdatyčnaja situacyja. Bo, kali ŭsie dva hady kryčali, što ciapier z poŭnačy budzie ataka, my ŭsim kazali, što hetaha nie budzie. Ničoha nie było. U toj momant, kali my skazali, što ciapier budzie ataka z poŭnačy, usio adrazu — a moža, nie budzie? — adkazaŭ na heta Budanaŭ.
Pry hetym kiraŭnik HUR nie staŭ udakładniać, pra jakija kirunki na poŭnačy idzie havorka.
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod22
Kamientary