Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca
«Prablemy jość, jany majuć tendencyju da abvastreńnia», — kaža kiraŭnik Hałoŭnaha ŭpraŭleńnia raźviedki.
Kiraŭnik Hałoŭnaha ŭpraŭleńnia raźviedki Ukrainy Kirył Budanaŭ prakamientavaŭ pahrozu nastupu akupantaŭ na poŭnačy Ukrainy, uličvajučy žadańnie Kramla mabilizavać jašče 300 tysiač rasijanaŭ, piša RBK—Ukraina.
«Kali ja pačnu adkazvać na hetaje pytańnie (pra ataku RF z poŭnačy), my z vami jašče spravakujem paniku. Skažam tak: prablemy jość, jany majuć tendencyju da abvastreńnia», — skazaŭ jon, dadaŭšy, što «katastrofy niama, ale nie bačyć prablem nie atrymajecca.
Hety adkaz staŭsia paśla pytańnia žurnalista ab tym, ci paŭpłyvajuć płany Kramla mabilizavać 300 tysiač rasijanaŭ na nastup akupantaŭ na ŭschodzie i poŭnačy ŭ najbližejšyja miesiacy.
«Razumiejecie, heta takaja dla mianie trochi aniekdatyčnaja situacyja. Bo, kali ŭsie dva hady kryčali, što ciapier z poŭnačy budzie ataka, my ŭsim kazali, što hetaha nie budzie. Ničoha nie było. U toj momant, kali my skazali, što ciapier budzie ataka z poŭnačy, usio adrazu — a moža, nie budzie? — adkazaŭ na heta Budanaŭ.
Pry hetym kiraŭnik HUR nie staŭ udakładniać, pra jakija kirunki na poŭnačy idzie havorka.
«Ja ŭžo kazaŭ kamuści z zachodniaj presy: dobrych navin u mianie ŭ hetym hodzie šmat nie budzie, na žal», — kanstatavaŭ Budanaŭ.
-
«Bransk pad rakietnym udaram!» — «Vy nie tušycie, daharyć chutčej». Minabarony Ukrainy pa-čornamu adpalvaje ŭ Threads
-
Zialenski zaklikaŭ Trampa dla zakančeńnia vajny macniej cisnuć na Pucina, a nie na jaho
-
U Čarnaŭcach padčas uskryćcia cieła vajskoŭca, pieradadzienaha ŭ ramkach abmienu z RF, vyjavili hranatu
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary