Siłaviki zatrymali administratara čataŭ «Biełarusy ŭ Partuhalii» i «Biełarusy na Madejry»
Videa z zatrymanym apublikavaŭ blizki da siłavikoŭ telehram-kanał.
«Miedyjazona» paviedamlaje, što heta Dźmitryj Hierko.
Na kamieru mužčyna kaža, što pierajechaŭ na vostraŭ Madejra ŭ 2019 hodzie. U 2020 stvaryŭ čat «Biełarusy na Madejry», a paźniej jaho zrabili administrataram čata «Biełarusy ŭ Partuhalii».
Zatrymany kaža, što ŭ svaich sacsietkach pakidaŭ niehatyŭnyja kamientary pra siłavikoŭ i dziejnaj ułady, a taksama nibyta prajšoŭ rehistracyju ŭ čat-bocie płana «Pieramoha». Mužčyna kaža, što pieryjadyčna pryjazdžaŭ u Biełaruś naviedać svaju maci.
U apošni vizit jon byŭ zatrymany. Pa jakim artykule zatrymany mužčyna i dzie ciapier znachodzicca, nieviadoma.
Kamientary