Paśla pravalnych teledebataŭ Džo Bajden paabiacaŭ bolš spać i nie chadzić na viačernija mierapryjemstvy
Taksama pryčynaj kanfuzu nazvaŭ praciahłyja pajezdki za miažu.
Paśla teledebataŭ, na jakich Džo Bajden, pavodle acenak naziralnikaŭ, vyhladaŭ nie nadta ŭpeŭniena, u ZŠA abmiarkoŭvajuć mahčymaść źniaćcia jaho kandydatury z prezidenckich vybaraŭ.
Sam Bajden abviarhaje čutki ab admovie ŭdzielničać u vybarach i kaža, što «nie źbirajecca nikudy sychodzić».
U sadzie Biełaha doma na barbiekiu dla vajskoŭcaŭ Bajden paćvierdziŭ svaju pazicyju. Napiaredadni, na sustrečy z hubiernatarami-demakratami, dziejny prezident zajaviŭ, što jon dastatkova mocny dla kampanii suprać Trampa, piša Bild.
Pa słovach dvuch čałaviek, jakija ŭdzielničali ŭ sustrečy, Bajden paabiacaŭ, što jon budzie bolš spać, mienš pracavać i tolki vybaračna naviedvać mierapryjemstvy, jakija prachodziać paśla 20:00.
Akramia taho, u svajoj zajavie prezident čarhovy raz nazvaŭ pryčynaj svajho drennaha vystupu na teledebatach praciahłyja pajezdki za miažu na praciahu niekalkich tydniaŭ, jakija papiaredničali debatam.
Pieradvybarčy štab Bajdena, u svaju čarhu, rastłumačyŭ niaŭdałaje vystupleńnie prastudaj — niby z-za jaje ŭ jaho byŭ achrypły hołas.
Tramp rychtujecca da supiernictva z Kamałaj Charys za pasadu prezidenta ZŠA
U demakrataŭ jość kandydatura, jakaja moža pieramahčy Trampa na vybarach — vyniki sacapytańnia
Bieły dom abvierhnuŭ zajavy ŚMI pra sumnievy Bajdena nakont jaho abiralnaści
Bieły dom zajaviŭ, što ŭ Bajdena niama demiencyi abo chvaroby Alchiejmiera
«Zrabiŭ duraść»: Bajden pryznaŭsia, što ledź nie zasnuŭ na debatach z Trampam
Kamientary