Pry hetym samo abiacaje: «Nahniatańnia situacyi z našaha boku niama i nie budzie». Ale «prymaje miery pa abaronie paŭdniovych rubiažoŭ».
Hienierał-major Uładzimir Kupryjaniuk vykazaŭsia pra situacyju na miažy z Ukrainaj.
«Znachodžańnie padraździaleńniaŭ śpiecyjalnaha pryznačeńnia ŭ niepasrednaj blizkaści ad našaj miažy źjaŭlajecca nie čym inšym, jak adnym z etapaŭ svoječasovaj padrychtoŭki da mahčymaha vyvadu dyviersijnych hrup na našu terytoryju. A najaŭnaść artyleryi i braniatechniki razhladajem jak mahčymy kampanient bajavoj padtrymki ich dziejańniaŭ.
U cełym, va ŭmovach naroščvańnia prysutnaści padraździaleńniaŭ śpiecyjalnaha pryznačeńnia, najmitaŭ i roznych dobraachvotnickich farmiravańniaŭ u pryhraničnych rajonach zachoŭvajecca vysokaja vierahodnaść padrychtoŭki i praviadzieńnia na našaj terytoryi ŭzbrojenych pravakacyj, a taksama rezanansnych akcyj», — zajaviŭ Kupryjaniuk.
Hienierał adznačyŭ, što niepasredna kala ŭkrainska-biełaruskaj miažy jany naličvajuć da 15 tysiač ukrainskich vajskoŭcaŭ.
«U pryhraničnych rajonach fiksujecca pieramiaščeńnie ciažkaj techniki, u tym liku tankaŭ, artyleryjskich sistem i srodkaŭ SPA.
Adnačasova nie źnižajecca intensiŭnaść pravakacyjnych i demanstratyŭnych dziejańniaŭ z boku ŭkrainskich farmiravańniaŭ, u tym liku z zadziejničańniem bieśpiłotnaj avijacyi, jakaja nieadnarazova parušała našu dziaržaŭnuju miažu», — zajaviŭ hienierał.
I dadaŭ, što jany nazirajuć «ničym nie abhruntavanuju aktyŭnaść» na Rovienskim i Žytomirskim kirunkach.
Ale biełaruski bok, pa jaho słovach, nibyta nie budzie nahniatać situacyju.
Nahadajem, biełaruskija Uzbrojenyja siły pravodziać raptoŭnuju pravierku bojehatoŭnaści kala ŭkrainskaj miažy.
Padalak pra zajavy Łukašenki ab kancentracyi ŭkrainskich vojskaŭ la biełaruskaj miažy: Źmienaŭ niama
Jeŭrapiejcy hatovyja pahadzicca na adpraŭku svaich vojskaŭ dla achovy biełaruska-ŭkrainskaj miažy — vialikaje apytańnie
Łukašenka znoŭ vystupiŭ z pahrozami na adras Ukrainy i Zachadu. Adnak hetyja pahrozy nie ŭtrymlivali ničoha realnaha novaha
Ciapier čytajuć
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3636
Kamientary