Minski mietrapaliten adkazaŭ, čamu nie zrabiŭ biaspłatny prajezd u jubilej. Skazali, što prajezd i tak tanny
Minčuki prapanoŭvali zrabić biaspłatnym dzień 40-hodździa padziemki.
Minskaje mietro adznačyła 40-hodździe 29 červienia. Niezadoŭha da hetaj znakavaj daty ŭ sietcy źjaviłasia pietycyja z prośbaj zrabić u prajezd u jubilejny dzień biaspłatnym.
U zvarocie havaryłasia, što pasłuhami mietro kožny dzień karystajucca tysiačy žycharoŭ i haściej našaj Minska, a sam mietrapaliten źjaŭlajecca adnym z samych zručnych vidaŭ pasažyrskaha transpartu.
«Mienavita tamu, na padstavie vyšejpadadzienaha, my, nižejpadpisanyja klijenty Minskaha mietrapalitena, a taksama žychary i hości horada Minska prosim prapracavać i ažyćciavić biaspłatny prajezd u Minskim mietrapalitenie 29 červienia 2024 hoda dla ŭsich naviedvalnikaŭ, u honar 40-hadovaha jubileju minskaha mietro», — adznačałasia ŭ pietycyi.
Aficyjny adkaz na zvarot vyjšaŭ za podpisam namieśnika dyrektara pa ekspłuatacyi Vadzima Pališčuka. U dakumiencie adznačajecca, što skasavańnie płaty za prajezd — heta sacyjalnaja lhota, jakaja rehulujecca pravavymi aktami. Akramia taho, Pališčuk zajaviŭ, što prajezd u mietro i tak kaštuje tanna.
«Taryfy na haradskija pieravozki pasažyraŭ sacyjalna aryjentavanyja, ich uzrovień značna nižejšy za sabiekošt. Prapanovu ab uviadzieńni biaspłatnaha prajezdu dla pasažyraŭ 29.06.2024 ličym niemetazhodnym», — havaryłasia ŭ adkazie mietrapalitena.
-
Litoŭski deputat paskardziŭsia ŭ prakuraturu na Siarhieja Cichanoŭskaha
-
Pasažyrka «nie ŭkłałasia ŭ tajminh» padčas sanitarnaha prypynku — mižnarodny aŭtobus źjechaŭ bieź jaje
-
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu27
Kamientary