Biełaruś adreahuje na novyja sankcyi ES pastrožvańniem pravił impartu zachodnich tavaraŭ
Pres-sakratar MZS Anatol Hłaz zajaviŭ, što Biełaruś padrychtavała miery ŭ adkaz na novyja sankcyi ES.
«Uradam užo padrychtavany kompleks asimietryčnych mier u adkaz. Jany buduć źviazanyja z uzmacnieńniem žorstkaści ŭmoŭ impartu i dziejnaści ŭ Biełarusi subjektaŭ ź niedružalubnych krain», — skazaŭ Anatol. Hłaz.
Jon taksama adznačyŭ, što, maŭlaŭ, dla Minska novyja abmiežavańni ES — «zusim prachadny etap».
«U nas šmat płanaŭ raźvićcia, aktyŭna pracuje ekanomika i, ščyra kažučy, napieradzie vielmi šmat spraŭ i prajektaŭ. Na hetym fonie sproby kiraŭnictva ES svaimi niezakonnymi sankcyjnymi pakietami spynić naša raźvićcio vyhladajuć trochi kamična», — śćviardžaje pres-sakratar MZS.
Na minułym tydni ES raspaŭsiudziŭ na Minsk šerah antyrasijskich sankcyj. Jany zakranajuć impart ź Biełarusi ŭ ES zołata, ałmazaŭ, hieliju, vuhalu i minieralnych praduktaŭ, syroj nafty. Zabaronieny taksama tranzit praź Biełaruś tavaraŭ i technałohij padvojnaha pryznačeńnia.
Kamientary