U Ispanii nakryli hrupoŭku, jakaja pradavała biełarusak u seksualnaje rabstva
Ispanskaja palicyja aryštavała členaŭ złačynnaj hrupoŭki, jakaja, jak śćviardžajecca, zajmałasia handlem žančynami z metaj ich seksualnaj ekspłuatacyi. U skład hrupoŭki ŭvachodzili hramadzianin Ispanii i pa dva rasijaniny i ŭkraincy. Usiaho na hety momant viadoma pra 14 achviaraŭ hrupoŭki, paviedamlaje Jeŭrapoł.
Złačynnaja hrupoŭka dziejničała z 2020 hoda. Dziaŭčat ź Biełarusi i Ukrainy znachodzili praz sacyjalnyja sietki, pradstaŭlajučysia mieniedžarami kadravaha ahienctva. Achviaram abiacali aficyjnaje pracaŭładkavańnie ŭ Ispanii i finansavuju padtrymku.
Pracavać dziaŭčaty nibyta pavinny byli b chostes i absłuhovym piersanałam. Na samaj ža spravie jany traplali ŭ kłub u horadzie Almieryja na poŭdni krainy, dzie ich prymušali zajmacca prastytucyjaj.
«Achviar raźmiaščali ŭ troch damach, vydzielenych adnym z kiraŭnikoŭ kłuba. Padazravanyja izalavali žančyn ad hramadstva, sprabujučy minimizavać ryzyki vyjaŭleńnia złačynstva palicyjaj abo ŭciokaŭ žančyn. Heta dazvoliła im całkam utrymlivać, kantralavać i ekspłuatavać paciarpiełych», — raskazali ŭ Jeŭrapole.
Tam taksama adznačyli, što na achviarach zarablali «vielizarnyja hrošy».
U Bielhii prastytucyju pryraŭniali da inšych prafiesij. Seks-rabotnikam buduć apłačvać dekret i adpačynak
Muž niekalki hadoŭ zdradžvaŭ žoncy i staranna vydalaŭ kampramat z ajfona. Ale makbuk usio zachavaŭ
Top-7 novaŭviadzieńniaŭ amnistyi-2024 — palohka žančynam, asudžanym za narkotyki ci zabojstva, u jakich jość dzieci
Kamientary