Litva ŭsio ž pačała prapuskać u Biełaruś aŭtamabili, maładziejšyja za 5 hadoŭ
Z 4 červienia Litva poŭnaściu pierastała vypuskać u Biełaruś aŭtamabili va ŭzroście da 5 hadoŭ u niezaležnaści ad koštu i abjomu ruchavika. Praz tydzień paśla poŭnaj błakady niekatoryja aŭtamabili pačali afarmlać i vypuskać na ekspart u Biełaruś.
Infarmacyja pra toje, što litoŭskaja mytnia adnaviła propusk mašyn, maładziejšych za 5 hadoŭ, źjaviłasia ŭ admysłovych čatach, pryśviečanych pierahonu aŭto ź Jeŭropy i pierasiačeńniu miažy.
U pryvatnaści pakul vyhladaje, što miažu pierasiakajuć aŭtamabili z abjomam ruchavika mienšym za 1,9 litra. To-bok tyja, što nie padpadajuć pad sankcyi, uviedzienyja ŭ dačynieńni da Rasii.
Toj fakt, što śviežyja amierykanskija aŭtamabili pačali traplać u Biełaruś, paćviardžaje infarmacyja, jakuju publikuje Biełmytservis.
Pa stanie na 16 hadzin 13 červienia prynamsi čatyry aŭtamabili sa Štataŭ, maładziejšyja za 5 hadoŭ, zajechali ŭ biełaruskija punkty mytnaha afarmleńnia.
Heta dva GMC Terrain, adzin Buick Encore i adzin Chevrolet Equinox. Usie mašyny prabivajucca pa VIN jak maładziejšyja za 5 hadoŭ z ruchavikami abjomam 1,4-1,5 litra.
Dniami ŭ biełaruskich aŭtamabilnych ŚMI, spasyłajučysia na insajdarskuju infarmacyju, pisali, što ŭ Litvie rychtujecca varyjant rašeńnia, jakoje zadavolić kali nie ŭsich, to bolšaść zacikaŭlenych. U publikacyi adznačałasia, što, zhodna z danymi krynic, u Kłajpiedzie pačała naśpiavać prablema z-za taho, što port nie moh pryniać navat dazvolenych hruzaŭ u suviazi z banalnym niedachopam składskich płoščaŭ.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia29
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary
Rośsijskije dilery načali prodaži novych modielej ot Mercedes, Audi, Porsche i Škoda.
Podrobnieje na Autonews:
https://www.autonews.ru/news/66685da89a7947be72f8f83a?from=copy