Na Alimpijadzie-2024 u Paryžy vystupiać maksimum 28 biełaruskich spartoŭcaŭ. I heta katastrafična mała
MAK staranna praviaraje ich sacsietki. Pravierka dalokaja ad zaviaršeńnia.
Mižnarodny alimpijski kamitet praciahvaje pilnuju pravierku biełaruskich i rasijskich spartsmienaŭ, jakija adabralisia na Alimpijadu-2024 u Paryžy. Pravierku atletaŭ na niejtralnaść pravodzić śpiecyjalnaja kamisija MAK, jakaja składajecca z troch čałaviek, paviedamlaje Reuters.
Siarod najvažniejšych kryteryjaŭ adpaviednaści — adsutnaść padtrymki vajny suprać Ukrainy i adsutnaść kantraktaŭ abo suviaziaŭ ź siłavymi viedamstvami i armijaj. Śpiecyjalisty MAK analizujuć u tym liku sacyjalnyja sietki spartsmienaŭ.
Pa słovach pradstaŭnika MAK Marka Adamsa, heta doŭhi praces, jaki budzie praciahvacca da samaha startu Hulniaŭ.
«Ja nie mahu nazvać vam dakładny termin. Pryčyna, čamu heta zajmaje tak šmat času, što my robim heta vielmi, vielmi staranna.
Nam treba atrymać infarmacyju ad mnostva ludziej. Tamu praces pavinien być praviedzieny pravilna», — raspavioŭ Adams.
Raniej Nacyjanalny alimpijski kamitet Biełarusi paviedamlaŭ, što ŭ Paryž adabralisia 28 spartoŭcaŭ. Na Alimpijadzie ŭ Tokia ŭdzielničali 109 biełarusaŭ, i heta była samaja małakolkasnaja dla nas Alimpijada adpaviedna ź minimalnaj kolkaściu ŭznaharod. Biełaruskija spartoŭcy zavajavali ŭ Tokia siem uznaharod (adno zołata, try srebry i try bronzy).
Alimpijada-2024 u Paryžy projdzie z 26 lipienia pa 11 žniŭnia.
-
Prezident FIFA choča padzialicca pravami na mundyjal ź blizkimi da Trampa pryvatnymi inviestarami
-
«Ja rasist, i ja zrabiŭ heta śpiecyjalna, tamu što nienavidžu vas, kavałki dziarma». Strachoŭščyk padstaviŭ ciažkaatletku na čempijanacie
-
Siensacyja ŭ śviecie tenisu: Sabalenka zhulaje ŭ pary z Džokavičam na US Open
Kamientary
Vied́ nikto nie otmieniał i nie priekraŝajet rieprieśsii, hienocid, tierror, vłastiami Rośsii i Biełarusi, ukrainciev, biełarusov, rośsijan.