Pikiet nahoj. U pacyjenta ŭbačyli «Pahoniu» na nazie i adpravili z pryjomnaha pakoja ŭ pastarunak
U Minsku ŭ pryjomnym pakoi balnicy №5 zatrymali chłopca za «niesankcyjanavanaje pikietavańnie» biez dazvołu haradskich uładaŭ: na jahonaj nazie była tatuiroŭka «Pahonia». Za heta jaho adpravili na Akreścina na siem sutak. Pra heta stała viadoma z Banka sudovych rašeńniaŭ, piša «Lusterka».
Maładoha čałavieka zatrymali 22 maja. «Pikietavańnie» jon pravioŭ u pryjomnym pakoi balnicy. Sam mužčyna ŭ sudzie rastłumačyŭ, što nijakich hramadska-palityčnych metaŭ nie mieŭ, a prosta byŭ apranuty ŭ majku i šorty, bo jamu było horača. Jaho sudzili na nastupny dzień paśla zatrymańnia.
Jak havorycca ŭ materyjałach spravy, małady čałaviek «parušyŭ paradak praviadzieńnia pikietavańnia, što vyjaviłasia ŭ praviadzieńni im niesankcyjanavanaha pikietavańnia, biez adpaviednaha dazvołu Minharvykankama, z metaj publičnaha vykazvańnia svaich hramadska-palityčnych intaresaŭ, padčas jakoha demanstravaŭ navakolnym hramadzianam raźmieščanuju na pravaj nazie tatuiroŭku ŭ vyhladzie hierba «Pahonia».
«Praviadzieńnie pikietavańnia ŭ hramadskim miescy horada zakranaje pravy nie tolki jaho ŭdzielnikaŭ, ale i inšych hramadzian, jakija ŭ masavym mierapryjemstvie nie ŭdzielničajuć», — abhruntavaŭ svajo rašeńnie sud.
Jaho pryznali vinavatym u parušeńni paradku praviadzieńnia masavych mierapryjemstvaŭ pa č.1 art. 24.23 KaAP i dali jamu siem sutak aryštu.
Ciapier čytajuć
Płanavali viasielle, ale nie viarnulisia z adpačynku. Što viadoma pra 21‑hadovaha Hleba i 20‑hadovuju Nastaśsiu, jakija zahinuli ŭ avaryi ŭ Hruzii4
Płanavali viasielle, ale nie viarnulisia z adpačynku. Što viadoma pra 21‑hadovaha Hleba i 20‑hadovuju Nastaśsiu, jakija zahinuli ŭ avaryi ŭ Hruzii
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»77
Kamientary