Vaskrasienski: Budu prasić, kab mianie ŭziali davieranaj asobaj Łukašenki na vybary-2025
Prapahandyst, jaki ŭ 2020-m źbiraŭ podpisy za Viktara Babaryku, ahučyŭ svaje płany na 2025 hod.
U prahramie «Skažiniemołči» na BT Juryj Vaskrasienski raskazaŭ, što choča ahitavać za Łukašenku na nastupnych vybarach.
«Ja spadziajusia pryniać udzieł u prezidenckaj kampanii 2025 hoda ŭ jakaści davieranaj asoby Alaksandra Łukašenki. Prynamsi ja budu prasić, kab mnie akazali taki vysoki honar»,
— zajaviŭ mužčyna.
Vaskrasienski parazvažaŭ, što ciapier u śviecie kryzis i my staim na parozie novaj suśvietnaj vajny.
«Źbierahčy našu krainu i ŭvohule rehijon ad vajny mohuć tolki supierdaśviedčanyja palityki. Takich palitykaŭ u Biełarusi akramia prezidenta Łukašenki (pry ŭsioj pavazie da našaj palityčnaj elity) nie isnuje».
Vaskrasienski dadaŭ, što pakul kiruje Pucin, musić być i Łukašenka: «Prezident Pucin budzie kiravać Rasijskaj Fiederacyjaj minimum da 2030 hoda. Adzin z kitoŭ dabrabytu biełarusaŭ źjaŭlajucca ciopłyja adnosiny z Rasijskaj Fiederacyjaj. U tym liku na ŭzroŭni lidaraŭ.
Tamu, pakul Pucin źjaŭlajecca prezidentam, Łukašenka taksama pavinien być ź im u źviazcy da 2030 hoda».
Vaskrasienski raskazaŭ taksama, čamu prykryli jaho «Kruhły stoł demakratyčnych sił».
«Heta prajekt zamarožany z pryčyny jaho nieaktualnaści».
Budynak, dzie znachodziłasia ŭstanova, źnieśli pad budaŭnictva stancyi mietro «Kamaroŭskaja».
«Ja baču ŭ hetym peŭny simvalizm. Palityčnyja straści ŭlahlisia. Praktyčna ŭsie biełarusy zrazumieli, što mahli zhubić, a, adpaviedna, sam prajekt straciŭ aktualnaść. Dalej jaho raźvivać nie mieła nijakaha sensu», — ličyć Vaskrasienski.
Kamientary
«Heta prajekt zamarožany z pryčyny jaho nieaktualnaści»
Cikava, što jak sapraŭdnaja šaściorka, Vaskrasienski nie ŭdaskanalvaje, mienavita chto i na padstavie mienavita čaho vyśviatliŭ nieaktualnaść jahonaha stała kruhłych demakrataŭ (nasamreč supołki byłych ekanamičnych machlaroŭ na kručku hebni), i chto mienavita prykryŭ jaho.