Anałah «Buślika» adkryjuć da 3 lipienia. Jon taksama budzie mieć biełaruskuju nazvu
Novuju sietku zadumvajuć jak anałah «Dziciačaha śvietu».
Da 3 lipienia ŭ Minsku adkryjecca novaja krama biełaruskich tavaraŭ dla dziaciej pad nazvaj «Śvitanak Niepasieda». Pra heta paviedamiła kiraŭnik kancerna «Biellehpram» Taćciana Łuhina na pres-kanfierencyi ŭ Nacyjanalnym pres-centry, piša Onliner.by.
Krama budzie ŭjaŭlać saboj anałah «Dziciačaha śvietu», ale z akcentam na pradukcyju biełaruskich vytvorcaŭ. U «Śvitanak Niepasieda» buduć pradavacca adzieńnie, abutak, cacki i hihijeničnyja srodki dla dziaciej ad naradžeńnia da padletkavaha ŭzrostu.
Na adnoj placoŭcy źbiarucca tavary ad roznych biełaruskich vytvorcaŭ.
— Handlovaja sietka «Buślik» vyzvaliła svaju nišu, aktyŭna jaje pačali zajmać kitajskija tavary. Tamu my vyrašyli adkryć svoj handlovy abjekt, — prakamientavała Taćciana Łuhina. — Ja dumaju, što hety prajekt budzie dastatkova paśpiachovym i zapatrabavanym siarod našych dziaciej i baćkoŭ.
Łuhina vykazała ŭpeŭnienaść u pośpiechu i zapatrabavanaści prajekta na rynku.
Sietka «Buślik» spyniła svaju pracu ŭ Biełarusi ŭ kancy lutaha. U suviazi z hetym dzieviać rasijskich kampanij i adzin indyvidualny pradprymalnik padali pazovy suprać biełaruskaj kampanii «DPM», što kiravała sietkaj «Buślik».
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary