U biełaruskim vadajomie ŭpieršyniu vyłavili niezvyčajnuju rybinu
Minski rybałoŭ Jaŭhien Vabiščevič złaviŭ u adnym z vadajomaŭ Dziatłaŭskaha rajona soniečnaha akunia — niezvyčajnuju rybinu, jakaja dla miascovaj ichtyjafauny invaziŭnaja, paviedamlaje fishingby.com.
«Rybka złoŭlenaja na dzikim izalavanym aziarcy, byŭ vielmi ździŭleny i navat trochi šakavany takim ułovam», — raskazaŭ rybałoŭ.
Ekzatyčny pryšelec z Paŭnočnaj Amieryki ŭpieršyniu źjaviŭsia na jeŭrapiejskim kantyniencie ŭ 1877 hodzie. Dziakujučy dobra raźvitaj zdolnaści adaptavacca da novych umoŭ pražyvańnia, hety vid akuniepadobnych paśpiachova raśsialiŭsia pa vadajomach Jeŭropy i ciapier, pa ŭsioj bačnaści, staŭ dabiracca da azior Biełarusi.
Soniečny akuń (Lepomis gibbosus) u našaj krainie adnosicca da invaziŭnych vidaŭ ryb, i jahonaje raspaŭsiudžańnie vielmi niepažadanaje, bo hety akuń składaje charčovuju kankurencyju dla miascovych vidaŭ ryb i źniščaje ich ikru.
Dziakujučy asablivamu kłopatu pra svajo patomstva akuni hetaha vidu chutka razmnažajucca i pastupova vyciaśniajuć sa spradviečnych miescaŭ pražyvańnia dobra nam viadomaha akunia račnoha (Perca fluviatilis).
Hod tamu niaprošany hość z Amieryki byŭ vyjaŭleny ŭ rybałoŭnych uhodździach Finlandyi, krychu raniej tryvohu zabili ŭkrainskija ichtyjołahi — soniečny akuń masava raspładziŭsia i staŭ łavicca ŭ vadajomach Kijeva.
U Biełarusi, zdajecca, heta pieršy vypadak vyłavu takoj ekzatyčnaj rybiny.
Soniečny akuń jadomy, ale pramysłovaha značeńnia hetaja rybina nie maje, bo vyrastaje zvyčajna da pamieru nie bolš za 15-20 sm.
ŽKH-drama ŭ siamji rybaka: ščupaki «pamylisia» na 40 kuboŭ vady
Rybaki na vychodnych cełym natoŭpam akupavali nievialikuju račułku pad Hrodnam. Łaviłasia dobra, ale šmat i naśviniačyli
U Barysaŭskim rajonie rybak złaviŭ vializnaha ščupaka FOTAFAKT
«Rybu zvyčajna škadujem». Asablivaści rybałki pa-biełarusku
Ciapier čytajuć
Łukašenka niezadavoleny vice-premjerkaj Natallaj Piatkievič — «buksuje»19
Kamientary