Rybaki na vychodnych cełym natoŭpam akupavali nievialikuju račułku pad Hrodnam. Łaviłasia dobra, ale šmat i naśviniačyli
Dniami mnohija biełaruskija ŚMI i sacsietki ablacieła videa, na jakim cełyja natoŭpy rybakoŭ sabralisia na nievialikaj rečcy niepadalok ad Hrodna i vudziać tam rybu, siedziačy ledź nie adzin u adnaho na hałavie. Ciapier vyjaviłasia, što takaja narodnaja papularnaść hetaha miesca maje jašče adzin niepryhladny bok.
Dziasiatki rybakoŭ sabralisia pobač z ahraharadkom Śvisłač na nievialikaj zatocy adnajmiennaj raki, paviedamlała vydańnie Newgrodno. Uvieś lod tam byŭ u łunkach-dzirkach.
Takoje rybałoŭstva vyklikała šyrokaje abmierkavańnie ŭ internecie, i nie ŭsie kamientatary aceńvali jaho stanoŭča. Chtości asudžaŭ rybakoŭ za toje, što jany nie dumajuć pra biaśpieku, chtości nazyvaŭ ich «hałodnymi».
Sami ž rybaki nazyvali situacyju całkam zvyčajnaj. Maŭlaŭ, bližej da viasny ryba pačynaje aktyŭna pieramiaščacca pa akvatoryi rek i časta zachodzić u takija zatoki, jakija złučajucca z rakoj. Akramia taho, lod na takich zatokach, jak praviła, maje dastatkovy zapas tryvałaści, što robić padobnuju rybałku biaśpiečnaj u paraŭnańni z rybałkaj na samoj race.
Ale paśla sychodu rybakoŭ vyjaviŭsia i jašče adzin bok prablemy. Adzin z karystalnikaŭ tyktoka naviedaŭsia tudy ŭ budny dzień i zaŭvažyŭ, što rybakoŭ na lodzie ciapier amal niama, a voś śmiećcia paśla ich — hory. Valajucca na lodzie i butelki, i anučy, i niedakurki, i navat miortvaja ryba. Paśla rastavańnia lodu ŭsio heta śmiećcie apyniecca na dnie vadajoma, što, viadoma, nie lepšym čynam adabjecca na ekałohii.
Mužčyna chodzić pa lodzie z pakietam, źbiraje śmiećcie i zdymaje ŭsio, što adbyvajecca, na videa.
Ciapier čytajuć
«Sił niama, resursaŭ niama, usie stamilisia». Łukašenka zajaviŭ, što vajna va Ukrainie ŭ najbližejšyja miesiacy budzie skončanaja20
«Sił niama, resursaŭ niama, usie stamilisia». Łukašenka zajaviŭ, što vajna va Ukrainie ŭ najbližejšyja miesiacy budzie skončanaja
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha4040
Kamientary