MNS raskazvaje, jak pazbavicca ad vasinaha ci pčalinaha hniazda.
Ratavalniki rajać źniščać hniazdo paśla zachodu sonca — tady maksimalnaja kolkaść nasiakomych, jakija džalać, znachodzicca ŭ hniaździe.
Treba nadzień ščylny kaścium i palčatki, a na tvar — masku pčalara. Na hniazdo — akuratna nadzieć ščylny miašok i pry dapamozie naža, rydloŭki, tonkaha mietaličnaha lista abo faniery adździalić hniazdo ad pavierchni, da jakoj jano prymacavana, zaviazaŭšy vierch miaška. Kali hniazdo znachodzicca ŭ nišy, rajać vykarystoŭvać mantažnuju pienu. Pry hetym treba staranna załadzić ŭsie ščyliny, kab nie było vyjścia.
Dalej jość niekalki varyjantaŭ. Možna zalić hniazdo vadoj, zakapać abo biaśpiečna spalić (naprykład, u mietaličnym kantejniery, z zachavańniem mier zaściarohi).
Vykarystoŭvać insiektycydy, typu dychłafos i inšych, jość sens, tolki kali vy ŭpeŭnienyja, što pry hetym nie budzie prytoku pavietra — naprykład, začyniŭšy ščylna hniazdo viečkam ŭ viadry.
Ratavalniki vyjazdžajuć na dapamohu pa źniščeńni hniazda vos abo šeršniaŭ, kali isnuje niepasrednaja pahroza žyćciu i zdaroŭju čałavieka, a taksama kali jano raźmiaściłasia ŭ dziciačych sadkach, škołach, ustanovach achovy zdaroŭja.
U inšych vypadkach MNS moža pryjechać płatna.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1212
Kamientary