Cichanoŭskaja: Vybary ŭ KR — heta pieršaja sproba arhanizavać niezaležny vybarčy praces, čaho biełarusy byli pazbaŭlenyja dziesiacihodździami
Demakratyčnaja lidarka Biełarusi akreśliła svajo staŭleńnie da vybaraŭ u Kaardynacyjnuju radu, što startavali siońnia.
«Siońnia pačałosia hałasavańnie na vybarach u Kaardynacyjnuju radu. I ja ŭdziačnaja ŭsim, chto vyłučajecca i hałasuje. Taksama dazvolcie vykazać słovy padtrymki ŭsim, chto ŭžo zaznaŭ represii za ŭdzieł u kampanii, novyja kryminalnyja spravy i pieraśled blizkich. Režym praciahvaje zapałochvać i sprabuje sarvać demakratyčny praces, bo bačyć u hetym pahrozu svajoj złačynnaj uładzie.
Ja viedaju i baču ŭsie chiby i niedaskanałaści vybaraŭ i sistemy hałasavańnia. Ale heta pieršaja sproba Kaardynacyjnaj rady arhanizavać niezaležny vybarčy praces — čaho biełarusy pazbaŭlenyja byli dziesiacihodździami.
Kaardynacyjnaja rada — nieadjemnaja častka struktury demakratyčnych siłaŭ. Heta płatforma dla sprečak i dyskusijaŭ, jakaja daść mahčymaść biełarusam upłyvać na rašeńni svaich lidaraŭ. Kaardynacyjnaja rada pavinna adkazvać na zapyty biełarusaŭ, abaraniać ich intaresy. I mnie b chaciełasia tam čuć i bačyć roznyja hałasy, novyja idei i ludziej z roznymi pohladami. My — usie roznyja, ale ŭ nas adna meta — svabodnaja Biełaruś.
Dziakuj kožnamu z vas za padtrymku, vašuju mužnaść i ciarplivaść», — havorycca ŭ zvarocie Śviatłany Cichanoŭskaj.
Vyhladaje, što zboi ŭ pracy internetu ŭ Biełarusi źviazanyja z pačatkam anłajn-hałasavańnia na vybarach u Kaardynacyjnuju radu
Mahutnuju načnuju DDoS-ataku padčas vybaraŭ u Kaardynacyjnuju radu paśpiachova adbili
U pieršyja chviliny vybaraŭ u KR sajt z hałasavańniem zaznaŭ ataku — «prahałasavali» bolš za 17 miljonaŭ čałaviek
Palityka sprava moža i brudnaja, ale miesca maralnym normam jość i ŭ joj. Razvahi da kiejsa Azarava
Błok Azarava źniali z vybaraŭ u Kaardynacyjnuju radu
Ciapier čytajuć
Sakratar Rady biaśpieki zaklikaŭ biełarusaŭ ustrymacca ad pajezdak u Rasiju8
Kamientary