Palitviaźnia Juryja Kaściuka źbirajucca pieravodzić na turemny režym
U Oršy 27 traŭnia adbudziecca sud pa zamienie palitviaźniu Juryju Kaściuku režymu ŭtrymańnia na turemny. Rašeńnie budzie prymać sudździa Ina Kochava, piša «Viasna».
Juryja Kaściuka, jakoha vosieńniu 2022 hoda tajemna vyvieźli z Rasii ŭ Biełaruś, asudzili da 4 hadoŭ kałonii va ŭmovach ahulnaha režymu. Piać miesiacaŭ jon utrymlivaŭsia ŭ rasijskim śledčym izalatary, jašče try miesiacy — u biełaruskim.
Kaściuka abvinavacili pavodle č. 1 art. 361-4 KK (sadziejničańnie ekstremisckaj dziejnaści). Pavodle viersii abvinavačvańnia, Juryj dapamahaŭ inšym palitviaźniam: paprasiŭ znajomych adkryć polskuju bankaŭskuju kartku, kudy atrymlivaŭ hrošy ad Bysol i By_help, jakija paśla nakiroŭvaŭ svajakam palitviaźniaŭ. Hrošy na dapamohu atrymlivaŭ ad «arhanizacyj, jakija pazicyjanavali sabie jak pravaabarončyja».
Sam Juryj na sudzie vinu nie pryznaŭ i admoviŭsia davać pakazańni.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary