Pa ANT pakazali siužet, jak u apazicyjnych aktyvistaŭ zabirajuć nieruchomaść. Stali viadomyja jašče niekalki proźviščaŭ
Na dziaržaŭnym telekanale ONT viadoŭca Ihar Tur prademanstravaŭ videazapisy, jak u kvatery aktyvistaŭ, jakija źjechali ad pieraśledu ź Biełarusi, uvachodziać siłaviki i apiačatvajuć ich «dla dalejšaj realizacyi».
Siarod inšaha Ihar Tur paviedamiŭ pra aryšt kvatery Jany Łatuški, dački kiraŭnika Narodnaha antykryzisnaha ŭpraŭleńnia Paŭła Łatuški.
Taksama prahučali imiony Alaksandra Šyško, Ały Puchavaj, Andreja Tupoŭskaha, Hanny Fiedaronak, historyka Viktara Jakubava, kaardynatara kampanii «Jeŭrapiejskaja Biełaruś» Dźmitryja Bandarenki, žurnalista-fryłansiera Źmitra Kazakieviča. Usie kvatery apiačatanyja, jak adznačałasia, u miežach kryminalnych spraŭ.
Taksama ŭ siužecie pakazali, jak siłaviki aryštoŭvajuć i zavarvajuć uvachodnyja dźviery ŭ kvatery aktyvistak Karaliny Ciarenćjevaj i Taćciany Baranavaj.
Pry hetym Tur zajaŭviŭ, što, maŭlaŭ, abvinavačanych budzie navat bolš, čym 104 čałavieki, pra jakich raniej kazała pres-słužba Śledčaha kamiteta.
«Śladak kazaŭ, što ŭ jaho śpis z 200 čałaviek». Jak siłaviki prychodziać ź pieratrusami ŭ kvatery biełarusaŭ, jakija žyvuć za miažoj
«Chodziać da svajakoŭ, durać hałavu». Da niekatorych emihrantaŭ užo pryjšli pa miescy žycharstva ŭ Biełarusi z vobšukami
«Apiačatanaja, zavaranaja, podpis KDB». Kvatery palitemihrantaŭ z Homiela aryštavali paśla pahroz SK
Kamientary