Rasijski mitrapalit paraiŭ prychadžancy padsypać mužu myšjak u ježu. Ale nie ŭsio tak prosta
Rastoŭski mitrapalit Mierkuryj raspavioŭ, jak dapamoh prychadžancy, u jakoj byli nieparazumieńni z mužam. Pra heta jon raskazaŭ u intervju telekanału «Don», piša «Novaja hazieta».
Padčas razmovy jany zakranuli temu siamiejnych roznahałośsiaŭ. Pa słovach viadoŭcy, śpiecyjalisty ŭ halinie psichałohii rajać žančynam aktyŭna adstojvać svaje asabistyja miežy, kali mužčyna imkniecca da ich padparadkavańnia.
Potym Mierkuryj padzialiŭsia adnym vypadkam sa svajho dośviedu.
Kaliści źviarnułasia da jaho žančyna, jakaja na toj momant pražyła 40 hadoŭ u šlubie, i stała skardzicca na razdražnialnyja zvyčki muža, takija jak šorhajučaja pachodka i słabaja pamiać. Jana nie mahła zrazumieć, jak pastupić u hetaj situacyi.
«Ja joj skazaŭ: zabicie jaho! Jana spytała: jak? I ja adkazaŭ: vielmi prosta. Cicha i spakojna padsypać myšjak u ježu», — skazaŭ mitrapalit.
Potym jon rastłumačyŭ prychadžancy, što kali jana nie hatovaja rasstacca sa svaim mužam takim čynam, to pavinna być pamiarkoŭniejšaj da jaho zvyčak, bo kaliści jana lubiła jaho i jon sapraŭdy taksama tryvaje i jaje, bo z uzrostam jaje pachodka nie stała svabodniejšaj, dy i talerki, mahčyma, jana dzieści niedamyvaje.
Kamientary