Łatuška raskazaŭ, jak sprabavali vyzvalić palitviaźniaŭ u abmien na dopusk Biełarusi da Alimpijady
«Biełaruskija demakratyčnyja siły adkaznyja, ale instrumienty nie našy».
Udzieł u Alimpijadzie ŭ abmien na vyzvaleńnie palitviaźniaŭ
U novym vypusku tok-šou «Mnie taksama nie padabajecca» abmiarkoŭvali prablemu palitviaźniaŭ.
Padčas dyskusii kiraŭnik Narodnaha antykryzisnaha ŭpraŭleńnia i namieśnik kiraŭnicy Abjadnanaha pierachodnaha kabinieta Pavieł Łatuška raskazaŭ, što demakratyčnyja siły Biełarusi sprabavali damahčysia vyzvaleńnia chacia b častki palitviaźniaŭ u abmien na dopusk Biełarusi da ŭdziełu ŭ Alimpijadzie:
«My praviali pieramovy ŭ niekalkich stalicach. Nam usie pakivali hałavoj. Skazali: «Supier ideja! Biaromsia». Paźniej pierapiska, potym mienš pierapiski. Ciapier nijakich adkazaŭ. Alimpijskija hulni voś užo pačnucca».
«My chočam skazać, što adkaznyja biełaruskija demakratyčnyja siły. Tak. Ale instrumienty nie našy», — zaŭvažaje Łatuška.
«Ź inšaha boku, — praciahvaje palityk, — kali niechta krytykuje sankcyi, kaža: što ŭvohule my majem? My možam siońnia padniać pratest u Biełarusi? Nie možam. My možam zabłakavać usiu miažu? Na žal, partniory nie mohuć. U nas sapraŭdy tolki adziny mocny instrumient cisku — sankcyi».
Čamu nie vypuskajuć Pačobuta?
Łatuška źviarnuŭ taksama ŭvahu na namahańni Polščy pa vyzvaleńni palitviaźnia Andreja Pačobuta. Palityk ličyć, što rašeńnie ŭ hetym pytańni zastajecca za Łukašenkam: «Łukašenka, kali zachoča, moža heta zrabić. Ale jon hetaha nie choča».
Z hetym pahadziŭsia kiraŭnik abjadańnia byłych siłavikoŭ «Bajpoł» Alaksandr Azaraŭ. «Ekanamičnaja situacyja jaho zadavalniaje. Navošta Łukašenku kahości vyzvalać? Jon uvohule nie bačyć u nas bok dla pieramovaŭ. My dla jaho nichto. My nie stvaryli dla jaho nijakich umovaŭ, kab jon zadumaŭsia i pahladzieŭ u naš bok».
Byłaja palitźniavolenaja Ałana Hiebremaryjam zaŭvažyła, što situacyja Pačobuta asablivaja:
«Heta jaho asabistaja pazicyja. Heta vielmi mocnaja pazicyja. Takich ludziej u turmie, pa maim dośviedzie, adzinki. Bolšaść ludziej choča dachaty, da blizkich, dziaciej. A nie siadzieć šeść hadoŭ za kamientar.
Andžej — kruty prykład, ale my nie možam raŭniać inšych na jaho. U lubym vypadku rabić zachady my abaviazany niezaležna ad taho, pahodzicca čałaviek ci nie. Z turmy ciabie nie vykinuć biez tvajoj zhody. Tamu što im taksama patrebny papierki, što ty pahadziŭsia».
Łatuška raskazaŭ, jak zabaraniaŭ repieru Siarohu vystupać, kali byŭ ministram kultury
Łatuška raskazaŭ, za što krytykuje Cichanoŭskuju
«Dla polskaha naroda jon — hieroj!» Rodnym Andreja Pačobuta ŭručyli miedal 75-hodździa misii Jana Karskaha
Čamu sankcyi nie ŭpłyvajuć na pavodziny Łukašenki i nakolki jany naohuł efiektyŭnyja? Mierkavańni ekanamistaŭ
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie45
Kamientary