Kazań, zamaskavanaja pad postapakaliptyčny bajavik.
Kniha Iłaja (The Book of Eli)
ZŠA, 2010, kalarovy, 117 chv.
Režysiory: Albiert Chjuz, Alen Chjuz
Roli vykonvajuć: Denzeł Vašynhtan, Hery Ołdmen, Miła Kanis, Rej Styviensan, Dženifier Biłs
Žanr: Postapakalipsičny bajavik
Adznaka: 6,5 (z 10)
Paśla vajny i katastrofy pa vypalenaj ziamli idzie na Zachad samotny vandroŭnik (Denzieł Vašynhtan). Jon musić danieści da ludziej zabytuju Knihu. Ale ludzi ździčeli, darohi niebiaśpiečnyja. A hałoŭny miascovy niahodnik (Hery Ołdmen) paluje na Knihu — dziela bolšaj ułady…
Film bratoŭ Chjuz — aściarožnaja kazań, zamaskavanaja pad postapakaliptyčny bajavik. (Niekatoryja śćviardžajuć, što heta najlepšy postapakalipsičny film z časoŭ «Šalnoho Maksa».) Kniha, jak vy ŭžo zdahadalisia, — Biblija. A kazań razhortvajecca ŭ komiksava-popielnym śviecie. U hetym śviecie — chieŭry bajkieraŭ, kanibały, dzikija katy — i baraćba za vadu. Naciahnuty łuk, staryja mašyny, lazo naža, bojki — jak śpiektakli ŭ schaładniełym teatry cieniaŭ. (A ŭ finale zaciatych čypsajedaŭ čakaje taki ž abłom, jak hałoŭnaha niahodnika.)
Samaja važnaja intryha — praŭda zabaronienaj Knihi. U spalenym śviecie niečakana hučać słovy malitvy. Heta vyklikaje ŭ zła raźjušanaść: Hary Ołdmen kryčyć i kulhaje (!).
Denzieł Vašynhtan uparta prystasoŭvaje kaliści syhranaha Malkalma Iksa da roli chryścijanskaha prapaviednika.
Vyniki jašče nie vielmi ŭpeŭnienyja. Ale sama sproba padobnaje kantrabandy cikavaja. I byccam by nietłumačalnyja pavaroty siužetu — nadzvyčaj prazrystyja.
Ciapier čytajuć
Kamientary