Miarkujecca, što miemuary buduć apublikavanyja bolš čym u 30 krainach i «daduć hłybokaje razumieńnie dumak i dziejańniaŭ adnaho z samych važnych lidaraŭ našaha času».
Kniha byłoha kanclera Hiermanii Anhieły Mierkiel, jakaja atrymała nazvu «Svaboda», pavinna źjavicca na knižnych pryłaŭkach 26 listapada 2024 hoda. Na vokładcy namalavanaja sama Mierkiel, jakaja aptymistyčna hladzić udalačyń, piša BILD.
Praŭda, sa słoŭ vydaŭca, uspaminy Mierkiel abmiažoŭvajucca tolki pieryjadam z 1954 da 2021 hoda i nie zakranajuć rasijskaje ŭvarvańnie va Ukrainu.
Čakajecca, što ŭ Jeŭropie cana 700-staronkavaj knihi składzie 42 jeŭra, u elektronnaj viersii jaje možna budzie pračytać za 30 jeŭra. Padrychtoŭkaj nakładu, jak paviedamiła sama Mierkiel, zajmajecca kiolnskaje Vydaviectva Kiepenheuer and Witsch. Saaŭtaram knihi stała byłaja načalnica kancylaryi Mierkiel Bieata Baŭman.
«Mnie pryjemna parazvažać nad centralnymi rašeńniami i situacyjami majoj palityčnaj pracy ŭ majoj knizie, jakuju ja napisała razam ź Bieataj Baŭman, i zrabić ich zrazumiełymi šyrokaj publicy, u tym liku ŭ dačynieńni da majoj asabistaj historyi», — napisała Mierkiel.
U vydaviectvie Kiepenheuer and Witsch adznačajuć, što były kancler «bolš asabista, čym kali-niebudź raniej, raskaža pra svajo dziacinstva, junactva i vučobu ŭ HDR, a taksama pra dramatyčny 1989 hod, kali ściana pavaliłasia i pačałosia jaje palityčnaje žyćcio».
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy28
Kamientary