Hramadstva44

Kiraŭnik «Biełsata» raskazaŭ, jak schudnieŭ na 35 kiłahramaŭ

«Raniej ja redka ŭzvažvaŭsia, ale pamiataju jak adnojčy, hadoŭ 10 tamu, pabačyŭ na vazie… 112 kh, a peŭna było i bolej», — napisaŭ Alaksiej Dzikavicki ŭ svaim fejsbuku.

«Z usich bakoŭ raptam pačała zalivać infarmacyja (publikacyi ŭ miedyja, nastojlivaja rekłama ŭ sietkach) pra čaroŭnyja sposaby pachudzieńnia — niejkija «halivudskija» tabletki, cudadziejnyja dyjety i hetak dalej. Nie vyklučaju, što niešta z hetaha moža niejak tam dziejničać, ale jość usio ž bolš prosty i zdarovy, chacia moža i nie taki chutki, jak abiacaje rekłama, sposab — ruch i źmiena režymu charčavańnia. Pryčym biez anijakich dadatkovych finansavych srodkaŭ. Časta čuju pytańni — a ty jak heta zrabiŭ, dyk koratka raspaviadu pra toje, što pravieryŭ na sabie.

Čytajcie: «U mianie svajak — piłot, jon pryvozić». Jak u Biełarusi pradajuć «Azempik», jaki abiacaje fihuru mary

Raniej ja redka ŭzvažvaŭsia, ale pamiataju jak adnojčy, hadoŭ 10 tamu, pabačyŭ na vazie… 112 kh, a peŭna było i bolej. 

Alaksiej Dzikavicki niekalki hadoŭ tamu. Fota ź jaho fejsbuka

Nu dyk voś što zrabiŭ. Jašče raniej kinuŭ jeści miasa, ale heta nie pakazčyk, bo tłustych rečaŭ chapaje i biez sała.

Potym pačaŭ rehularna chadzić piechatoj na pracu: kiłamietr — rešta transpartam, potym dva, potym try — stolki było da ofisu. Potym pačaŭ viartacca piechatoj taksama, kali nadvorje dazvalała. Paśla kavidu ŭžo i nie kuplaŭ sabie prajazny, chacia da pracy ciapier užo 5 km u adzin bok.

Paru hadoŭ tamu pačaŭ pavoli adciskacca ad padłohi. Taksama pačaŭ ad 10 razoŭ, a ciapier mahu ŭ razy bolej. U vyniku dakaciŭsia da taho, što niekalki miesiacaŭ tamu pajšoŭ navat u spartzał — biez fanatyzmu, ale nikoli nie dumaŭ, što zrablu heta ŭ 51.

Što da charčavańnia, dyk jeści pozna ŭviečary dakładna nie varta. Minimum nadta tłustaha i smažanaha, tartoŭ roznych dy majanezaŭ, mučnoha.

Lepiej kašy, kapusta dy inšaja zielanina, jabłyki, ryba, soja, małočka, ciomny šakaład i hd. Nasamreč hetyja pradukty kaštujuć daražej, prosta treba pierastroicca i pryzvyčaicca. Jeści varta pa-mahčymaści rehularna, čaściej, ale mieniej — u mianie, na žal, nie zaŭsiody atrymlivajecca. Nu i hatavać samim.

Pa sabie viedaju, što prablemaj jość hetak zvany «ałkaholny žor», ale z časam pazbaviŭsia i ad hetaha.

Alaksiej Dzikavicki ŭ krasaviku 2024 hoda

Važny i son. Chiba pra mianie Šałkievič śpiavaŭ «tut ludzi rana kładucca spać i rana ŭstajuć», a chapaje zvyčajna kala 7 hadzinaŭ. Stałaje niedasypańnie škodzić u hetaj spravie.

Što da tabletak, dyk ja sapraŭdy prymaju mietfarmin, bo maju dyjabiet druhoha typu. Ale ciapier minimalnuju kolkaść — štodnia tolki dźvie tabletki pa 500 mh, da pachudzieńnia lekar vypisvaŭ try pa 850 mh! Cukar stabilna ŭ normie. Kažuć, što mietfarmin spryjaje skidvańniu vahi, ale pierakanany, što adnych tabletak, jakija b jany nie byli, dakładna niedastatkova.

Tak što ŭ maim vypadku ruch i charčavańnie spracavali — ciapier minus 35 kh z tych 112-ci. Ale heta praces, jaki raściahnuŭsia ŭ mianie na hady, nijakich tam 20 kh ciaham 2 tydniaŭ.

Žadaju pośpiechaŭ i vam. A kali majecie pytańni — śmieła pišycie, achvotna padzialusia ŭsim, što na sabie pravieryŭ». 

Kamientary4

  • niaviesta Azaronka
    10.05.2024
    kaho cikavić jaho fizičnaja vaha ? jakaja vaha ŭ jaho jak u čałavieka i profi ?
  • Katruś
    10.05.2024
    [Red. vydalena]
  • Taki da
    10.05.2024
    Mołodiec Dzikavickij. 

Ciapier čytajuć

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Usie naviny →
Usie naviny

«Zahruzka ŭpała, zakazaŭ mienš». Rabotnikaŭ pradpryjemstva ŭ Rečycy stali adpraŭlać u adpačynki biez apłaty4

Čamu vučeńni «Zachad-2025» vyrašyli pravieści ŭ centry krainy, a nie kala miežaŭ NATA — mierkavańnie ŭkrainskaha palitołaha4

Prarasijskija nadpisy na ciele ŭkrainskaha vajskoŭca vyrazaŭ chirurh padčas apieracyi4

Kala bierahoŭ Kanady zaŭvažyli redki čorny ajśbierh1

Zamiest vajny słany ŭ novaj knizie Sašy Filipienki. I Maskva11

CACHAŁ zahadaŭ žycharam adnaho z rajonaŭ Tehierana evakujavacca. Zrujnujuć budynak dziaržaŭnaha telebačańnia3

ZŠA pierakidajuć na Blizki Uschod druhi avijanosiec i dziasiatki samalotaŭ8

«Pradali 1647 kupiur za 3 dni». Ažyjataž vakoł pamiatnaj banknoty Nacbanka nie ścichaje3

Stała viadoma jašče pra adnaho biełarusa, jaki vajavaŭ na baku Rasii i trapiŭ u pałon1

bolš čytanych navin
bolš łajkanych navin

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Hałoŭnaje
Usie naviny →

Zaŭvaha:

 

 

 

 

Zakryć Paviedamić