Na sustrečy z hramadzianami 29 krasavika kancler FRH Ołaf Šolc zaśmiajaŭsia, kažučy pra prośby Ukrainy pastavić niamieckija rakiety Taurus. Raniej jon śmiajaŭsia z suhramadzian, jakija skardzilisia jamu na ŭzrovień piensij abo košt elektraenierhii.
Pradstaŭnik apazicyjnaj partyi nazvaŭ Šolca za takija pavodziny «kancleram-rahatunom».
Psichołahi adkazali BILD, što moža aznačać śmiech kanclera Hiermanii.
«Šolc śmiajecca nie tamu, što vyśmiejvaje inšych, a tamu, što znachodzicca ŭ stanie stresu i niaŭpeŭnienaści ŭ sabie. Śmiech — heta achoŭnaja maska, jakaja dazvalaje pamienšyć abo źniać napružańnie ŭ takoj situacyi», — razvažaje Torsten Chavienier, piśmieńnik i psichołah.
Šolc ličycca aściarožnym, dakładnym, uraŭnavažanym, udumlivym, farmalistam i analityčnaha składu čałaviekam, ale takija asoby raźličvajuć na dystancyju, a nie na blizkaść.
A sustrečy z hramadzianami majuć na ŭvazie blizkija znosiny i ekstraviertnyja pavodziny, što vyklikaje niaŭpeŭnienaść i stres.
«Spantannaje niekantralavanaje źniaćcie napružańnia adbyvajecca dziakujučy śmiechu, jaki vyzvalaje. Mnohim ludziam heta znajoma z ułasnaha paŭsiadzionnaha žyćcia: tak raptam śmiajucca na pachavańni abo ŭ inšych situacyjach niaŭpeŭnienaści», — miarkuje Kryścijan Halvies, biznes-trenier i ekśpiert pa movie cieła.
Ciapier čytajuć
Zahinuŭ biełaruski dobraachvotnik Alaksiej Łazaraŭ12
Kamientary