Muzyka44

Pieśni ananimnaj śpiavački Kłaŭdzii Piatroŭny va Ukrainie siarod lidaraŭ prasłuchoŭvańniaŭ. A što viadoma pra jaje asobu?

U čym fienomien i chto na samoj spravie vykanaŭca Klavdia Petrivna?

Klavdia Petrivna
Śpiavačka Klavdia Petrivna. Fota: instahram vykanaŭcy

Va Ukrainie raście papularnaść śpiavački, aŭtarki piesień i muzyki, jakaja vystupaje pad psieŭdanimam Klavdia Petrivna i nie pakazvaje svoj tvar publicy.

Jana chutka nabrała papularnaść u TikTok, a jaje treki źbirajuć miljony prasłuchoŭvańniaŭ na YouTube i stryminhavych servisach. Na pačatak 2024 hoda Klavdia Petrivna ŭznačaliła čarty ŭkrainskich radyjostancyj ź pieśniaj «Znajdzi mianie».

Značnym składnikam uvahi da śpiavački źjaŭlajecca ananimnaść. Da hetaha času jana nie pakazała svajho tvaru. Padrabiaznaści ab jaje tvorčaści i bijahrafii zastajucca zahadkaj dla šyrokaj publiki. Heta paradžaje roznyja teoryi adnosna jaje sapraŭdnaha imia i asoby.

Niekatoryja krynicy vykazvajuć mierkavańnie, što za psieŭdanimam moža chavacca žančyna va ŭzroście 35-40 hadoŭ, inšyja ličać, što heta moža być maładaja dziaŭčyna. Isnuje teoryja, što Klavdia Petrivna — śpiecyjalny prajekt, hołas jakoha stvorany z dapamohaj niejrasietki.

Kamanda śpiavački sadziejničaje dyskusii ab asobie artystki, vykarystoŭvaje nieadnaznačny tekst u apisańniach pad jaje aficyjnymi videa i na staronkach u sacyjalnych sietkach.

Dakładna viadoma tolki toje, što śpiavačka 4 lipienia 2023 hoda apublikavała ŭ tyktoku videa sa svaimi dema-viersijami pieśniaŭ. A praź miesiac, 3 žniŭnia, u svaim asabistym kanale ŭ telehramie — demaalbom, jaki składaŭsia z 7 pieśniaŭ, jakija byli zapisany z dapamohaj dadatku dla iPhone dla zapisu muzyki GarageBand.

Vykanaŭca chutka atrymała papularnaść, a radok ź jaje pieśni «Ja ščaślivaja» — «Doktar havoryć, što heta depresija, mama havoryć, što ja lanivaja» — pracytavała Alena Zialenskaja padčas Treciaha samitu pieršych łedzi i džentlmienaŭ, kali havaryła pra važnaść mientalnaha zdaroŭja.

Vosieńniu minułaha hoda śpiavačka padpisała kantrakt z maładym ukrainskim łejbłam NEBO Music. A praź niekatory čas dyrektarka łejbła ŭ adnym ź intervju raskazała, što Klavdia Petrivna — heta maładaja dziaŭčyna, jakaja jašče vučycca ŭ muzyčnym kaledžy.

Śćviardžajecca, što śpiavačku i łejbł źvioŭ jaje siabar — papularny ŭkrainski vykanaŭca OSTY. Sumiesna jany vypuścili niekalki trekaŭ.

Jak adznačaje SIEO łejbła Kaciaryna Šaŭčenka ŭ adnym ź intervju, u pieśniach vykanaŭcy pradstaŭleny vobraz typovaj žančyny, nastroj jakoj mianiajecca da 35 razoŭ na dzień. Jana moža padavacca infantylnaj, ale ŭ toj ža čas pakazvaje, što zdolnaja natchniać i matyvavać mužčynu.

Na siońnia samaj papularnaj pieśniaj Klavdia Petrivna źjaŭlajecca «Znajdzi mianie» z 16 miljonami prahladaŭ. Na druhim miescy z 10 miljonami — «Ja ščaślivaja».

Znakamitaść upieršyniu źjaviłasia na publicy ŭ krasaviku padčas vialikaha solnaha kancerta ŭkrainskaha vykanaŭcy Arcioma Pivavarava, ź jakim śpiavačka da hetaha zapisała klip na pieśniu «Baraban». Ale na scenie jana była ŭ doŭhaj čyrvonaj nakidcy, jakaja całkam schavali jaje tvar i cieła. A na hałavie byŭ čorny plecieny kapialuš.

Śpiavačka praciahvaje zachoŭvać ananimnaść, a słuchačy spračacca, kim jana nasamreč źjaŭlajecca, i čakać, kali ž narešcie vykanaŭca pakaža svajo abličča.

Kamientary4

  • Josik
    03.05.2024
    A mo hanna siałuk?
  • Kłava
    03.05.2024
    "vobraz typovaj žančyny, nastroj jakoj mianiajecca da 35 razoŭ na dzień. Jana moža padavacca infantylnaj, ale ŭ toj ža čas pakazvaje, što zdolnaja natchniać i matyvavać mužčynu."

    Patryjarchat vajšoŭ ŭ čat 🤢🤢
  • Valadzimir
    03.05.2024
    Zaraz na Ukrainie lider pa prasłuchoŭvańniach voś hety: https://www.youtube.com/watch?v=o5NH2yKhl1M

Ciapier čytajuć

KDB aryštavaŭ padazronaha aktyvista Paŭła Bialucina. U jakoj krainie heta adbyłosia, nieviadoma

KDB aryštavaŭ padazronaha aktyvista Paŭła Bialucina. U jakoj krainie heta adbyłosia, nieviadoma

Usie naviny →
Usie naviny

Tramp daručyŭ adkryć turmu dla asabliva niebiaśpiečnych złačyncaŭ na vostravie Alkatras1

«Na Rastvo padaryli 5 kiłahramaŭ rysu». Biełaruska ŭ 65 hadoŭ pierajechała ŭ Hanu i zajmajecca manikiuram1

Ci ŭklučać u Biełarusi aciapleńnie z-za chałodnaha nadvorja, adkazali ŭ ŽEU

«Eternaŭt»: arhiencinski Netflix vypuściŭ šmatznačny sieryjał pra apakalipsis2

Kamisar ES: Jeŭrasajuz udvaja pavialičyć dapamohu Ukrainie, kali Tramp nie pierakanaje Pucina zaklučyć mir3

U niadzielu roźnica maksimalnych tempieratur u Biełarusi skłała 15 hradusaŭ

U Breście patanuŭ čatyrochhadovy chłopčyk. Ratavalnikam udałosia viarnuć jaho da žyćcia

Vučonyja nazvali kolkaść krokaŭ, jakaja ratuje ofisnych rabotnikaŭ16

Ryžankoŭ dakłaŭ Ejsmant, što nakałoŭ droŭ15

bolš čytanych navin
bolš łajkanych navin

KDB aryštavaŭ padazronaha aktyvista Paŭła Bialucina. U jakoj krainie heta adbyłosia, nieviadoma

KDB aryštavaŭ padazronaha aktyvista Paŭła Bialucina. U jakoj krainie heta adbyłosia, nieviadoma

Hałoŭnaje
Usie naviny →

Zaŭvaha:

 

 

 

 

Zakryć Paviedamić