Śpiavačka i byłaja palitźniavolenaja Meryjem Hierasimienka vyjšła zamuž
Viasielle adbyłosia ŭ Tbilisi 4 krasavika.
U Hruziju Meryjem, jakaja atrymała try hady chatniaj chimii za pieśniu «Okieana Elzi», evakujavałasia ŭ studzieni 2024 hoda.
Raniej śpiavačka krychu raskazvała pra svajho abrańnika. Chłopca zavuć Anton, paŭtara hoda tamu jaho departavali ź Biełarusi za admovu ad dačy na Meryjem chłuślivych pakazańniaŭ, što nibyta srodki, atrymanyja ź jaje kancertu ŭ minskim bary «Banki-butyłki» ŭ žniŭni 2022 hoda, byli pieraličanyja na spansavańnie i finansavańnie Uzbrojenych sił Ukrainy.
Antona źbivali čatyry hubazikaŭcy, začyniŭšy ŭ kabiniecie, «da fijaletavych noh», a samu Meryjem u hety čas pasadzili kala dźviarej, kab jana ŭsio čuła. Urešcie vybić ničoha nie ŭdałosia, i na sudzie śpiavačcy heta abvinavačańnie nie stavili.
Chłopcu ž, jaki maje rasijskaje hramadzianstva, ale ź dzieviacihadovaha ŭzrostu žyvie ŭ Biełarusi, paśla «namalavali» čatyry zapar administracyjnyja parušeńni, za kožnaje ź jakich jon adsiadzieŭ pa 15 sutak. A kali hetyja dva miesiacy skončylisia, Antona adrazu adpravili ŭ aeraport i departavali ź Biełarusi na 10 hadoŭ.
Meryjem Hierasimienka raskazała, što vychodzić zamuž za chłopca, jakoha departavali ź Biełarusi
«Majho maładoha čałavieka naciahnuli łastaŭkaj, źbivali, bo jon admaŭlaŭsia davać na mianie pakazańni». Śpiavačka Meryjem Hierasimienka raskazała pra svajo zatrymańnie
«Sił usim, dla kaho hetaja historyja akažacca asabistaj». Meryjem Hierasimienka prezientavała pieśniu, jakuju napisała ŭ SIZA
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie3
Kamientary
Niachaj žyvuć ščaśliva!