Hramadstva99

«Moj muž Ihar Kušnierski pieradaje bujnyja sumy najaŭnych hrošaj Łatušku i Puciłu». Što heta za danos?

U źlitaj bazie zvarotaŭ u KDB znajšoŭsia danos ad imia Aleny Kušnierskaj — žonki 61-hadovaha biełaruskaha biznesmiena Ihara Kušnierskaha.

Kušnierski zajmaŭsia roznymi śfierami — pracavaŭ kamiercyjnym dyrektaram MAZa, byŭ dystrybjutaram aŭtatechniki rasijskich zavodaŭ, inviestavaŭ u ofisnuju nieruchomaść, vyrablaŭ piva. Apošnim bujnym prajektam Kušnierskaha byŭ zavod pa vyrabie dziciačaha charčavańnia pad brendam «Łyžka ŭ dałońcy» («Łožka v ładoškie»). 

Ihar Kušnierski pieršy sprava. Fota: www.news.lt

«Ja vielmi bajusia za los maich dziaciej i pieražyvaju za svaju krainu. U našym domie ŭ Ispanii stali častymi haściami Arciom Šaparaŭ i Ściapan Puciła. Moj muž Kušnierski Ihar pieradaje im rehularna bujnyja sumy najaŭnych. Ciapier u naš dom staŭ pryjazdžać Pavieł Łatuška — jamu taksama pieradavalisia bujnyja sumy najaŭnych. Pra što iduć razmovy, mnie nieviadoma», — takoje paviedamleńnie pryjšło ŭ KDB u sakaviku 2023 hoda z adnarazovaha mejła [email protected] nibyta ad Aleny Kušnierskaj. 

Kali danos apubličyŭsia, heta stała pradmietam žartaŭ i abmierkavańniaŭ u kamiercyjnych kołach. «Naša Niva» raspytała pradstaŭnikoŭ finansavaj supolnaści stalicy, što jany dumajuć pra situacyju. Surazmoŭcy bačać u hetaj historyi dvajnoje dno i niečy raźlik. My apuskajem proźviščy.

«U zavod dziciačaha charčavańnia Kušnierski ŭkłaŭsia, nie majučy adpaviednaj ekśpiertyzy, a pavieryŭšy minarytarnamu partnioru. I biznes pajšoŭ na dno. Jakraz u hety čas, u kancy 2022 — pačatku 2023, jany byli mocna pierasvaranyja pamiž saboj, kali ličyli, jak dzialić straty. Ja b źviazvaŭ z hetym. Z pomstaj», — skazaŭ «Našaj Nivie» minski bankir.

Takoj ža dumki trymajecca inšy surazmoŭca:

«Z «Łyžkaj u dałońcy» ŭsio pryhoža raźvivałasia: uziali zachodnija hrošy, pabudavali ŭ 2020-m vialiki zavod pad Dziaržynskam, atrymali jeŭrapiejskija siertyfikaty, žyvi i radujsia. Ale tut vajna, advalvańnie ŭkrainskaha i jeŭrapiejskaha rynkaŭ, valutnyja kredyty. U kancy 2022-ha ŭ ich zdaryŭsia defołt pa ablihacyjach. Pakryć daŭhi nie chapała prybytkaŭ. Ja b skazaŭ, na kaho ja dumaju, ale heta ŭsio biazdokaznaje. Ja analizuju tolki kantekst danosu: pačatak 2023-ha, sproby znajści hrošy ci vyhadna pradacca, kab vyleźci z bankructva, masa kanfliktaŭ unutry kampanii. 

A kab u toj čas hety čałaviek padtrymlivaŭ nazvanych asobaŭ, a zdała jaho žonka… chreń niejkaja», — skazaŭ inšy finansist.

Ihar Kušnierski, fota probusiness.io

Cikava, što danos na Kušnierskaha nie adziny. U žniŭni 2021 hoda na jaho ŭžo pisali ŭ KDB u padobnaj stylistycy.

«Liču svaim abaviazkam paviedamić, što Ihar Kušnierski praz svajho litoŭskaha partniora vyvodzić hrošy ź Biełarusi i finansuje apazicyju, jakaja ŭciakła ŭ Litvu i Jeŭropu ŭ asobie Cichanoŭskaj», — havaryłasia ŭ zvarocie, padpisanym imieniem barysaŭskaha biznesmiena Siarhieja Maksimuka.

Miarkujučy pa ŭsim, pieršy danos nie spracavaŭ. I amal praz dva hady infarmacyju pradublavali, ciapier užo ad imia nibyta žonki Kušnierskaha.

Kamientary9

  • Lepiej žujma)
    03.05.2024
    Upłyvovy miecenat, razumnyja ludzi ŭsio zrazumieli, pračytaŭšy pamiž radkoŭ, a durni chočuć kab im jašče niešta rastłumačyli, razžavali dy ŭ rot pakłali.
  • Rusłan
    03.05.2024
    Upłyvovy miecenat, Sponsirovanije političieskich partij i dvižienij - eto normalno. Biźnies dajot dieńhi "na politiku" nie tolko "korysti radi", no i po dušievnomu poryvu. Tak było vsiehda. Dažie pri proklatom cariźmie ) 
  • Josik
    03.05.2024
    Upłyvovy miecenat, navat, proźvišča nie možacie pravilna pračytać, ale adrazu pa litarach palcami łupicie.

Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu19

Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu

Usie naviny →
Usie naviny

Biełaruś atrymała aficyjnaje paviedamleńnie ad polskaha boku pra adkryćcio miažy

Rasijski čynoŭnik uciok z-pad kanvoju ŭ sudzie i schavaŭsia ŭ konsulstvie Armienii. Historyja skončyłasia trahična3

Cichanoŭskaja sustrakałasia z Kiełaham u Ńju-Jorku6

Snoop Dogg zhadziŭsia pravieści kancert u Rasii5

Rekłamny banier z Alaksandram Hlebam paviesili na tym skryžavańni ŭ Minsku, dzie jon staŭ udzielnikam śmiarotnaj avaryi12

Naŭrocki ŭ AAN nazvaŭ situacyju z pravami čałavieka ŭ Biełarusi pryjarytetam Polščy5

Pryznańnie paleścinskaj dziaržavy: ZŠA zastajucca adzinaj siłaj, čyj hołas budzie mieć vyrašalnaje značeńnie15

«Rejv na zavodzie». Zumiery padymajuć prodažy biełaruskich pradpryjemstvaŭ, zdymajučy virusny kantent14

Zialenski nazvaŭ umovu vyłučeńnia Trampa na Nobieleŭskuju premiju3

bolš čytanych navin
bolš łajkanych navin

Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu19

Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu

Hałoŭnaje
Usie naviny →

Zaŭvaha:

 

 

 

 

Zakryć Paviedamić