U Vialikabrytanii vytvorcaŭ prysmakaŭ abvinavacili ŭ manipulacyi dziećmi
Brytanskaja kampanija Bite Back, jakaja zajmajecca daśledavańniem prablem, źviazanych ź dziciačym atłuścieńniem, abvinavaciła 10 najbujniejšych vytvorcaŭ u pryciahnieńni dziaciej jarkaj upakoŭkaj z vyjavaj niezdarovych piersanažaŭ multfilmaŭ. Na dumku śpiecyjalistaŭ, takim čynam vytvorcy manipulujuć dziećmi i prapahandujuć niezdarovaje charčavańnie, piša The Guardian.
Daśledčyki paprasili ekśpiertaŭ pa charčavańni praanalizavać 262 upakoŭki prysmakaŭ, jakija pradajucca ŭ Vialikabrytanii, na pradmiet taho, jakaja ź ich spadabajecca dzieciam. Dla daśledavańnia byli adabranyja prysmaki, vyrablenyja dziesiaćciu najbujniejšymi charčovymi kampanijami: siarod ich Kinder Surprise, M&Ms, Cadbury, Oreo, Milka, Dairylea, Mars, PepsiCo i inšyja.
Daśledavańnie zaśviedčyła, što:
- 78% praduktaŭ akazalisia škodnymi dla zdaroŭja z-za ŭtrymańnia ŭ ich tłušču, soli abo cukru;
- 67% piersanažaŭ, namalavanych na ŭpakoŭkach, «byli niezdarovyja»;
- 80% upakovak praduktaŭ mieli jarkija kolery, paciešnyja ŭzory i nadpisy, kab pryciahnuć uvahu dziaciej.
Bite Back pradstaviła svoj dakład dla rasśledavańnia ŭ Pałatu łordaŭ. Vykanaŭčy dyrektar Bite Back paprasiŭ ministraŭ «uvieści novyja praviły, kab abmiežavać hetuju złaviesnuju taktyku hihantaŭ niezdarovaj ježy, pakolki heta viadzie da kryzisu achovy zdaroŭja».
Ciapier čytajuć
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13
Kamientary
Sałodkaje ž moža być i karysnym, jak suchafrukty, ci naturalnyja soki tyja ž